Vadgaon Maval : पोटोबा महाराज चैत्र पौर्णिमा उत्सवानिमित्त विविध कार्यक्रमांचे आयोजन
एमपीसी न्यूज – मावळ तालुक्याचे श्रद्धास्थान, ग्रामदैवत श्री पोटोबा महाराज (Vadgaon Maval) यांच्या चैत्र पौर्णिमा उत्सवानिमित्त 6 व 7 एप्रिल रोजी विविध धार्मिक व मनोरंजनाच्या कार्यक्रमांचे आयोजन करण्यात आले आहे. अशी माहिती देवस्थान ट्रस्टचे मुख्य विश्वस्त सोपानराव म्हाळसकर व उत्सव समितीचे अध्यक्ष संजय दंडेल यांनी दिली.
उत्सवानिमित्त गुरुवारी (दि.6) पहाटे चार वाजता श्री. पोटोबा महाराजांचा अभिषेक,सकाळी सहा वाजता श्री हनुमान जन्मोत्सव, सकाळी (छबिना), दुपारी चार वाजता मानाच्या काठ्या, 5 वाजता मानाचे बगाड, रात्री 8 वा. आतीषबाजी, रात्री 9 वा. भजन स्पर्धा होईल. स्पर्धेतील विजेत्या प्रथम पाच क्रमांकांना बक्षिसे दिली जाणार आहेत.
PCMC News : भोसरीच्या आमदारांचे चिंचवडमधील विकास कामांकडे लक्ष्य
याशिवाय उत्कृष्ट गायक, वादक व हार्मोनिअम वादक यांना वैयक्तिक पारितोषिके व प्रत्येक सहभागी संघास दोन हजार रुपये व सन्मान चिन्ह दिली जाणार आहेत. मनोरंजनाच्या कार्यक्रमात रात्री 8 वा. अभिनेत्री संजना काळे व सहकाऱ्यांचा लावण्यांचा कार्यक्रम होणार आहे.
शुक्रवारी (दि. 7) सकाळी पालखी ज्ञान अमृत वारकरी शिक्षण संस्था आळंदी येथील बाल भजनी मंडळाच्या सहभागाने पालखी मिरवणूक, दुपारी 4 वाजता डी. एड. कॉलेजच्या मैदानावर कुस्त्यांचा आखाडा होईल. मनोरंजनाच्या कार्यक्रमात रात्री आठ वाजता बॉलिवूड नाईट हा गाणी व नृत्याचा कार्यक्रम होईल.