Alandi : माउली-माऊलीच्या नामघोषात माऊलींच्या पालखीचे अलंकापुरीमध्ये आगमन
एमपीसी न्यूज – टाळ मृदुंगाच्या व हरिनामाच्या गजरात व माऊली-माऊलीच्या नामघोषात माऊलींच्या पालखीचे आज सायंकाळी साडे सहाच्या सुमारास अलंकापुरीमध्ये आगमन झाले.
Bhosari : एक कॉल अन् पोलिसांची धावपळ
माऊलींच्या पालखीच्या स्वागतासाठी ग्रामस्थ व पंचक्रोशीतील नागरिकांनी थोरल्या पादुका ते आळंदी (नगरपालिका चौक) येथे ठिक ठिकाणी मोठी गर्दी केली होती. आळंदी (Alandi ) हवेली विभागात फटाक्यांची अतिषबाजी पालखीचे स्वागत करण्यात आले.
आळंदी मध्ये पालखीने प्रवेश केल्यावरती भाविकांनी माऊली माऊलीच्या नामघोषात व टाळ्यांच्या कडकडाटात माऊलींच्या पालखीचे स्वागत केले.यावेळी वारकरी विद्यार्थ्यांनी फुगडीचा आनंद लुटला. माऊलींच्या स्वागतासाठी आकर्षक रांगोळी काढण्यात आली होती. परतीच्या वारकऱ्यांसाठी ठीक ठिकाणी चहा, पाणी, अन्नदानाची सुविधा माऊलीं भक्तांनी केली होती.