Maval Corona Update : मावळ तालुक्यात आज कोरोनाचे 57 नवीन रुग्ण

एमपीसी न्यूज – मावळ तालुक्यात आज (बुधवारी, दि. 2) कोरोनाचे 57 नवीन रुग्ण सापडले आहेत. त्यामुळे कोरोनाबधितांची एकूण संख्या 2 हजार 91 झाली आहे. तर दिवसभरात 16 जणांना डिस्चार्ज देण्यात आला आहे.

आज एका रुग्णाचा मृत्यू झाला. हा रुग्ण वेहेरगाव (पुरुष, 65 वर्ष) येथील आहे.

आज आढळलेल्या कोरोना रुग्णांमध्ये 33 रुग्ण शहरी भागातील आहेत. तर 24 रुग्ण ग्रामीण भागातील आहेत.

ग्रामीण भागात आढळलेल्या रुग्णांमध्ये माळवाडी, इंदोरी, सोमाटणे येथील प्रत्येकी चार, कामशेत येथील तीन, सुदुंबरे, उंबरे नवलाख येथील प्रत्येकी दोन, कुसगाव बु, वराळे, येवरे, वलवंती, तिकोना येथील प्रत्येकी एक रुग्णाचा समावेश आहे

तळेगाव शहरात 23, लोणावळा शहरात 3 आणि वडगावमध्ये 7 रुग्ण आढळले आहेत.

एकूण 2 हजार 91 रुग्णांमध्ये सध्या 573 रुग्ण सक्रीय आहेत. तर 1 हजार 435 जणांना डिस्चार्ज देण्यात आला आहे. 83 रुग्णांचा मृत्यू झाला आहे.

तळेगाव नगरपरिषद क्षेत्रात 726, लोणावळा नगरपरिषद 258 आणि वडगाव नगरपंचायत क्षेत्रात 140 रुग्ण सापडले आहेत. तर ग्रामीण भागात 967 रुग्ण आढळून आले आहेत.