Nigdi : मॉर्डन प्री -प्रायमरी इंग्लिश मिडियम स्कूलच्या चिमुकल्यांनी केली गुरुपौर्णिमा साजरी
एमपीसी न्यूज – निगडी यमुनानगर (Nigdi) येथील प्रोग्रेसिव्ह एज्युकेशन सोसायटीच्या मॉर्डन प्री -प्रायमरी इंग्लिश मिडियम स्कूलमध्ये बुधवारी (दि.5) गुरूपौर्णिमा उत्साहात साजरी करण्यात आली. मुलांना आपल्या संस्कृतीचे व परंपरेचे महत्व कळावे म्हणून ही संकल्पना शाळेचे चेअरमन प्रो. शामकांत देशमुख व यशवंत कुलकर्णी यांनी सुचविली.
या कार्यक्रमाची सुरुवात व्यासांच्या प्रतिमेला वंदन करून करण्यात आली . प्रत्येकाच्या आयुष्यात पहिला गुरु ही त्याची आई असते. ती त्याची दैवतही असते. म्हणून गुरुपौर्णिमेच्या निमित्ताने ज्युनिअर के.जी. व सिनीअर के.जी. च्या विद्यार्थ्यांनी आपल्या आई आणि वडिलांची पाय धुऊन त्यांना नारळ आणि फूल देऊन त्यांना वंदन केले.
Maharashtra : रुजू न झालेल्या अधिकाऱ्यांना महसूल मंत्र्यांचा अल्टीमेटम
शाळेचे व्हिजिटर डॉ. प्रो. अतुल फाटक व मुख्याध्यापिका तृप्ती वंजारे यांच्या मार्गदर्शनाखाली कार्यक्रम पार पडला. संस्थेचे कार्याध्यक्ष डॉ. गजानन एकबोटे व सहकार्यवाह ज्योस्त्ना एकबोटे यांनी मुलांचे कौतुक केले.
शाळेच्या मुख्याध्यापिका (Nigdi) तृप्ती वंजारे ह्यांनी या कार्यक्रमाला पालक वर्ग मोठ्या संख्येने उपस्थित राहिल्याबद्दल शाळेच्या वतीने आभार मानले.
