Pune : चौथ्या मजल्यावरून खाली कोसळल्याने तरुणीचा जागीच मृत्यू

एमपीसी न्यूज-पुण्यातील सिंहगड रस्ता परिसरात (Pune)एक दुर्दैवी घटना घडली. गॅलरीत वाळत घातलेले कपडे काढताना गेल्याने 23 वर्षीय तरुणी चौथ्या मजल्यावरून खाली कोसळली. गंभीर जखमी झालेल्या या तरुणीचा जागीच मृत्यू झाला.

आकांक्षा गोपाल सिंग (वय23, रा. समर्थ सिटी, शिवनगर, किरकटवाडी ) असे मृत्युमुखी पडलेल्या तरुणीचे नाव आहे. आकांक्षा  पंधरा दिवसांपूर्वी मावसबहिणीकडे राहण्यास आली होती. गॅलरीत वाळत घातलेले कपडे काढण्यासाठी आकांक्षा गेली. तेव्हा कपडे खालच्या मजल्यावरील गॅलरीत पडल्याचे लक्षात आले.

ज्या गॅलरीत कपडे पडले होते. त्या सदनिकेचा दरवाजा बाहेरून बंद होता. आकांक्षाने चौथ्या मजल्यावरील गॅलरीत साडी बांधली आणि खाली उतरण्यास सुरुवात केली. त्यावेळी तोल जाऊन ती खाली कोसळळी. ही घटना घडली तेव्हा घरात कोणी नव्हते.

Pune : ट्रकच्या धडकेने दुचाकीस्वाराचा मृत्यू

इमारतीच्या तळमजल्यावर खेळत असलेल्या मुलांना काहीतरी पडल्याचा आवाज आल्याने त्यांनी पाहिले. तेव्हा आकांक्षा रक्ताच्या थारोळ्यात पडली होती. मुलांनी आरडाओरड केल्यानंतर इमारतीतील रहिवासी गोळा झाले. सिंहगड रस्ता परिसरातील कोल्हेवाडी येथे आकांक्षाच्या नातेवााईकांचे दुकान आहे. त्यांना या घटनेची माहिती कळविण्यात आली.

आकांक्षाचे नातेवाईक तेथे पोहोचले. त्यांनी या घटनेची माहिती पोलिसांना दिली. हवेली पोलीस ठाण्यातील पोलिस कर्मचारी चंद्रकांत शिंदे घटनास्थळी पोहोचले. आकांक्षाला तातडीने उपचारासाठी ससून रुग्णालयात दाखल करण्यात आले. उपचारांपूर्वीच आकांक्षाचा मृत्यू झाला होता. या प्रकरणी हवेली पोलीस ठाण्यात अकस्मात मृत्यू अशी नोंद करण्यात (Pune) आली आहे.