Today’s Horoscope 31 August 2021 : जाणून घ्या आजचे राशीफळ
एमपीसी न्यूज - आजचे पंचांग वार – मंगळवार, दि. 31 ऑगस्ट 2021
- शुभाशुभ विचार – चांगला दिवस
- आज विशेष – गोपाळकाला.
- राहू काळ – दुपारी 03.00 ते 04.30
- दिशा शूल – उत्तरेस असेल.
- आजचे नक्षत्र – रोहिणी 09.44 पर्यंत नंतर मृग.
- चंद्र राशी – वृषभ 23.12 पर्यंत नंतर मिथुन.
—————————————
आजचे राशीभविष्य.
मेष – (शुभ रंग – पांढरा)
आज तुम्ही म्हणाल ती पूर्व असेल. तरीही अधिकाराचा गैरवापर करू नका. आपल्या आवडत्या क्षेत्रात कर्तृत्व सिद्ध करण्याची संधी मिळू शकेल. वक्ते व्यासपीठ गाजवतील.
वृषभ – (शुभ रंग – आकाशी)
आज तुमचे मनोबल उत्तम असेल कार्यक्षेत्रात नवी आव्हाने आत्मविश्वासाने स्वीकाराल. स्पर्धा जिंकाल. वादविवादात फक्त ऐकण्याचे काम करा, मोफत सल्ले वाटप टाळाच.
मिथुन – (शुभ रंग – मोरपंखी)
व्यावसायिकांनी मर्यादा ओळखूनच आर्थिक उलाढाली केलेल्या बऱ्या. काही अती आवश्यक खर्च हात जोडून उभे असतील. जमाखर्चाचा मेळ घालणे जरा अवघड जाईल.
कर्क – (शुभ रंग – पिस्ता)
व्यवसायात आर्थिक उलाढाल वाढेल. कार्यक्षेत्रात नवी आव्हाने स्वीकाराल. स्वतःच्या व्यक्तिमत्व विकासावर भर द्याल. वैवाहिक जीवन सौख्य पूर्ण राहील.
सिंह – (शुभ रंग – डाळिंबी)
वादविवादात आज तुम्ही स्वतःचेच घोडे पुढे दामटवाल. हाताखालच्या मंडळींना तुमचे दडपण जाणवेल. आज आर्थिक व्यवहारात मात्र सावध राहणे गरजेचे आहे.
कन्या – (शुभ रंग – सोनेरी)
क्षुल्लक कामातही अडचणींचा सामना करावा लागेल. कार्यक्षेत्रात वाढत्या स्पर्धेमुळे थोडेफार नैराश्य जाणवेल. आज तुम्ही कोणतेही काम करताना सकारात्मक दृष्टिकोन ठेवणे हिताचे.
तूळ – (शुभ रंग – चंदेरी)
आज तुम्ही जे काही कराल ते तब्येतीला जपूनच करा, विवाह जुळवण्याविषयी चर्चा आज नकोतच. अंग मेहनतीची कामं करणाऱ्यांनी आपल्या सुरक्षिततेस प्रथम प्राधान्य द्यावे.
वृश्चिक – (शुभ रंग – केशरी)
आज तुम्ही व्यवसायातील वाढत्या स्पर्धेचा सामना करण्यासाठी सज्ज असाल. अडचणीच्या प्रसंगी पत्नीची साथ मोलाची राहील. पारिवारिक सदस्यांमध्ये सलोखा राहील.
धनु – (शुभ रंग – सोनेरी)
ध्येयाचा पाठलाग करता करता प्रकृतीकडे दुर्लक्ष होण्याची शक्यता आहे. सर सलामत तो पगडी पचास हे लक्षात ठेवा. काही येणी असतील तर न मागता वसूल होतील.
मकर – (शुभ – रंभ क्रीम)
घरात आधुनिक सुखसोयी साठी खर्च कराल. कार्यक्षेत्रात तुम्हाला पूर्वी केलेल्या कष्टाचे फळ मिळेल. कलाकारांची लोकप्रियता वाढेल, आनंदी दिवस.
कुंभ – (शुभ रंग – स्ट्रॉबेरी)
आनंदी व उत्साही असा आजचा दिवस असून सर्व कामे विनाव्यत्यय पार पडतील. व्यापार उद्योगास चांगली गती येईल. आज तुमच्यासाठी गृहसौख्याचा दिवस.
मीन – (शुभ रंग – मरून)
दैनंदिन कामात काही अडचणींना तोंड द्यावे लागेल. मुलांना अभ्यास सोडून आज सर्व काही सुचेल. टेलिफोन बिल भरावे लागणार आहे. शेजाऱ्यांशी आज गोडी गुलाबी राहील.