Todays Horoscope 5 January 2022 : जाणून घ्या आजचे राशीफळ
आजचे पंचांग – वार बुधवार, दि. 05.01.2022
- शुभाशुभ विचार – शुभ दिवस.
- आज विशेष – सामान्य दिवस.
- राहू काळ – दुपारी 12.00 ते 01.30.
- दिशा शूल – उत्तरेस असेल.
- आजचे नक्षत्र – श्रवण 08.40 पर्यंत नंतर धनिष्ठा.
- चंद्र राशी – मकर 19.54 पर्यंत नंतर कुंभ.
- ————————————–
आजचे राशीभविष्य –
मेष – ( शुभ रंग – सोनेरी)
धंद्यातील येणी वसूल झाल्याने नवीन व्यावसायिकांचा उत्साह वाढेल. कार्यक्षेत्रात स्वतःचे महत्त्व निर्माण करू शकाल. नोकरदारांच्या बढतीच्या मार्गातील अडथळे दूर होतील.
वृषभ – ( शुभ रंग- राखाडी)
आज अति आक्रमकता नुकसानास कारणीभूत होईल. विरोधकांना चहा पाजूनच आपला कार्यभाग साधून घेणे हिताचे राहील. आज जरा युक्तीने वागा.
मिथुन- ( शुभ रंग- डाळिंबी)
आज जोखमीची कामे टाळलेलीच बरी. जे काही कराल ते तब्येतीस जपूनच करा. हातचे सोडून पळत्याच्या मागे अजिबात धावू नका व कायद्याची चौकट मोडू नका.
कर्क- ( शुभ रंग – स्ट्रॉबेरी )
आज तुम्ही अगदी सहज घेतलेले निर्णय ही योग्य ठरतील. व्यवसायातील स्पर्धकांना ही तुमचा हेवा वाटेल. आज पत्नीच तुम्हाला योग्य सल्ले देईल.
सिंह- ( शुभ रंग- गुलाबी )
कार्यक्षेत्रात सावधगिरीने पावले टाकणे गरजेचे आहे. नवीन ओळखीत डोळे झाकून विश्वास ठेवणे योग्य ठरणार नाही. आज विरोधकांशी सामंजस्याने घेणे गरजेचे आहे.
कन्या-( शुभ रंग पांढरा )
तरुणांनी मौज मजा करताना कायद्याचे भान ठेवावे. बेफिकीर पणास लगाम गरजेचा आहे. व्यसने घात करतील. कला क्षेत्रातील मंडळींना मेहनतीचे फळ मिळेल.
तूळ-( शुभ रंग- पिस्ता)
आज स्थावर, शेतीवाडी संबंधित व्यवहार फायद्याचे ठरतील. कलाकारांना मात्र रिकाम्या खुर्च्या बघाव्या लागतील. गृहिणी गप्पांमधून गैरसमज पसरवतील.
वृश्चिक – (शुभ रंग- मोरपिशी)
भावनेच्या भरात कोणाला वचने देऊ नका. कितीही चांगले संबंध असले तरी कुणाला जामीन राहू नका. आज लहान भावाला तुमच्या मदतीची गरज भासेल.
धनु- ( शुभ रंग- जांभळा)
रिकाम्या चर्चेतून वाद होतील. जोडीदार जे म्हणेल त्यास हो म्हणालात तर वैवाहिक जीवनात गोडीगुलाबी राहील. नवविवाहितांना बाळाच्या आगमनाची चाहूल लागेल.
मकर-( शुभ रंग- नारिंगी)
आज प्रत्येक कामात विलंब ठरलेलाच आहे. व्यवसायात वाढत्या स्पर्धेला तोंड देण्यासाठी कामाचे तास वाढवावे लागतील. मन हळवे करणारा एखादा प्रसंग घडेल.
कुंभ – (शुभ रंग- मरून)
अनाठायी खर्चाचे प्रमाण वाढेल. प्रवासात दगदग होईल. बेरोजगारांनी घरापासून लांब जायची तयारी ठेवायला हवी. एखाद्या सुरक्षित आर्थिक गुंतवणुकीचा विचार कराल.
मीन – ( शुभ रंग- चंदेरी)
आज आपला स्वार्थ साधून घेण्यासाठी मोठ्या लोकांच्या ओळखी वापराल. मित्रही आज दिलेले शब्द पाळतील. एखादी मोठी रक्कम हाती येण्याची शक्यता आहे. आज स्वप्नपूर्तीचा दिवस.
