Todays Horoscope 6 March 2022 : जाणून घ्या आजचे राशीफळ
आजचे पंचांग – वार रविवार, दि. 06.03.2022
- शुभाशुभ विचार — 09.00 पर्यंत चांगला दिवस.
- आज विशेष – विनायक चतुर्थी.
- राहू काळ – संध्याकाळी 04.30 ते 06.00.
- दिशा शूल – पश्चिमेस असेल.
- आजचे नक्षत्र – अश्विनी.
- चंद्र राशी – मेष.
_________________________
आजचे राशीभविष्य-
मेष – ( शुभ रंग – पिस्ता )
एखाद्या महत्त्वाच्या बातमीने आज दिवसाची सुरुवात होईल. आज तुम्ही आपल्या जोडीदाराचे हट्ट पुरवण्यास प्राधान्य द्याल. वैवाहिक जीवनात गोडीगुलाबी असेल. महत्वाच्या चर्चेत आपल्या मताशी ठाम राहाल.
वृषभ -(शुभ रंग- जांभळा)
काम धंद्यात काही अनपेक्षित अडचणी येण्याची शक्यता आहे. घरातील वडीलधारी मंडळी आज आपलेच खरे करतील. अति महत्त्वाकांक्षांना ब्रेक लावून थोडे तब्येतीकडेही लक्ष द्यावे.
मिथुन-( शुभ रंग- मोरपिशी)
आज पूर्वीच्या कष्टांचे फळ पदरात पडण्याचा दिवस आहे. जीवलग मित्रांकडून अपेक्षित सहकार्य मिळेल. आज वैवाहिक जीवनात खेळीमेळीचे वातावरण राहील.
कर्क-( शुभ रंग -डाळिबी)
आपल्या सडेतोड बोलण्यामुळे काही आपले हितचिंतकच आपणास दुरावतील. घराबाहेर वावरतांना डोके थंड व वाणीत गोडवा ठेवलात तर अनेक कामे सोपी होतील. मित्र ऐनवेळी दगा देतील.
सिंह-( शुभ रंग- सोनेरी)
कार्यक्षेत्रात काही मनाविरुद्ध घटना मनास बेचैन करतील. थोडा संयम ठेवा. गृहिणींना अति श्रमामुळे थकवा जाणवेल. भक्तीमार्गात असणार्‍यांना एखादी प्रचिती येईल.
कन्या – ( शुभ रंग- चंदेरी)
कमी कष्टात जास्त लाभाच्या मोहाने निराशाच पदरी पडेल. काही मानापमानाच्या प्रसंगांना तोंड द्यावे लागू शकते. वैवाहिक जीवनात मौनव्रत हिताचे राहील. वाहन चालवताना ओव्हरटेक नको.
तूळ – (शुभ रंग- गुलाबी)
आजचा दिवस धावपळीत जाईल एखाद्या अनुकूल घटनेने तुमचा आत्मविश्वास वाढेल. दूरच्या प्रवासात थोडा खोळंबा होईल.मामा मावशी यांच्याकडून काही सुवार्ता येतील.
वृश्चिक-( शुभ रंग- राखाडी)
दैनंदिन कामे आज सुरळीत पार पडतील. गरजेइतका पैसाही उपलब्ध होईल. प्रेम प्रकरणे मात्र डोक्याला मनस्ताप देतील. वैवाहिक जीवनात जोडीदाराच्या चुका काढू नका.
धनु- ( शुभ रंग- क्रीम)
कौटुंबिक वातावरण अत्यंत उत्साही राहील. गृहिणी आपल्या आवडत्या छंदास आवर्जून वेळ देतील. रुग्ण ठणठणीत बरे होतील. उच्चशिक्षितांच्या महत्वाकांक्षा वाढतील.
मकर – (शुभ रंग – स्ट्रॉबेरी)
वास्तु किंवा वाहन खरेदीसाठी कर्ज मंजूर होईल. आज तुम्ही जरा मुलांच्या तब्येतीकडे लक्ष देणे गरजेचे आहे. वास्तुमध्ये एखादे धार्मिक करण्याचे बेत आखाल.
कुंभ – (शुभ रंग- मोतिया)
कार्यक्षेत्रात हितशत्रूंच्या उपद्रव वाढणार आहे. बिनचूक काम करण्यास प्राधान्य द्यावे. तरुणांनी व्यसनांपासून दूर राहणे गरजेचे आहे कुसंगत टाळावी
मीन- ( शुभ रंग- मरून)
आज सर्व दृष्टीने अनुकूल असलेला असा दिवस सत्कारणी लावा. नव्या ओळखीतून व्यवसायवृद्धी होईल. इतरांना दिलेले शब्द पळता येतील. संध्याकाळी सहकुटुंब चैन कराल. वाणीत मृदुता हिताची राहील.
