Chakan : चाकण एमआयडीसीसाठी सक्तीच्या भूसंपादनास विरोध ; शासनाच्या नोटीसीची होळी

एम आय डी सी ने फक्त गुंतवणूक आणावी बाकी संपादन करणे सोडावे, कारण पुणे प्रदेश महानगर यांना पण जरा काम करू द्या . कायम 17  विभाग व्यस्त करून काम बिघडू नये आता शेतकरी हुशार आहेत ते सरकारच्या फसव्या धोरणाला भुलणार नाही. त्यांना एकदाच नुकसान भरपाई घेऊन करोडपती व्हायचे नाही. तर कायमस्वरूपी उत्पन्न त्यांना हवे आहेत.
– ॲड.निलेश शंकर कड पाटील, प्रवक्ता,जिल्हा काँग्रेस,पुणे

आमच्याकडे एमआयडीसी बैठक इतिरुत्त आहे ज्यात सरकारने सांगितले ज्यांची संमती त्याच जमिनी घेऊ सक्ती करणार नाही मग सरकार आता बळजबरी का करत आहे?
– नवनाथ चौधरी, बाधित शेतकरी बिरदवडी

विमानतळ होणार असे सांगितले ते आवश्यक होते. त्यासाठी आवश्यक जागा घ्यावीच लागते. पण लॉजिस्टिक्स पार्क कुठेही होऊ शकतो.   त्यासाठी सलग जमीन संपादन करावीच असे नाही. एमआयडीसी चाकण टप्पा क्रमांक 1,2,3,4 मध्ये ज्या बागायती जमिनी त्या संपादनमध्ये आल्या तरी सोडल्या मग आताच सक्ती का ? आम्हाला  जमीन द्यायची नाही आणि देणार नाही.
( सचिन पडवळ, बोरदरा )

शेतकऱ्यांच्या शेतात फळ बाग आहे. त्यातून चांगले उत्पन्न मिळते पण सक्तीने संपादन झाले तर अनेकजण भूमीहीन होणार आहे.  मग एमआयडीसीचे एखादा कोटी घेऊन काय करायचे . यामुळे अनेक कुटुंब उद्ध्वस्त होत आहेत.
( अनिल देशमुख , बाधित शेतकरी, चाकण )

बागायत जमीन सक्तीने संपादन करणारे सरकार खरंच शेतकऱ्याचे सरकार आहे का? शासनाने शेतकऱ्यांच्या भावनांचा विचार करणे गरजेचे आहे.
( राम गोरे , शहराध्यक्ष राष्ट्रवादी कॉंग्रेस )

एजंट आणि भूमाफिया यांनी मागील काही वर्षात काहीशे एकर जमीन खरेदी केली. त्या जमिनी रस्ता (Chakan) नसलेल्या आणि बागायती नव्हत्या. मग अशा लोकांनी संमती दिली म्हणजे शेतकरी संमती मिळाली असे सरकार मानत आहे हे चुकीचे आहे.
( दशरथ काचोळे,बाधित शेतकरी रोहकल)