Chinchwad Bye-Election : भाजप उमेदवार अश्विनी जगताप यांच्या प्रचारार्थ मुख्यमंत्र्यांचा बुधवारी रोड-शो
एमपीसी न्यूज – चिंचवड विधानसभा मतदारसंघाच्या पोटनिवडणुकीतील भाजप-शिवसेना युतीच्या उमेदवार अश्विनी जगताप यांच्या प्रचारार्थ (Chinchwad Bye-Election) मुख्यमंत्री एकनाथ शिंदे यांचा उद्या (बुधवारी) रोड-शो आणि सायंकाळी जाहीर सभा होणार असल्याची माहिती शिवसेना उपनेते, मावळचे खासदार श्रीरंग बारणे यांनी दिली.
सायंकाळी साडेचार वाजता वाकड येथून मुख्यमंत्री शिंदे यांच्या रोड-शो ला सुरुवात होईल. उत्कर्ष चौक दत्तमंदिर जवळ वाकड – वाकड रोड – डांगे चौक – दत्तनगर जुना जकात नाका -चापेकर चौक –एल्प्रो मॉल – पॉवर हाउस चौक – केशवनगर – एम एम हायस्कूल काळेवाडी – कुणाल हॉटेल – नखाते ऑफिस – विमल गार्डन समोरून – शिवेंद्र लॉन्स असा रोड-शो चा मार्ग असणार आहे.
ठिकठिकाणी मुख्यमंत्र्यांचे स्वागत केले जाणार आहे. रहाटणी, तापकीर मळा येथील शिवेंद्र लॉन्स येथे सायंकाळी सहा वाजता मुख्यमंत्री शिंदे यांची जाहीर सभा होईल. (Chinchwad Bye-Election) मुख्यमंत्री शिंदे यांच्या रोड-शो आणि सभेला शिवसेना-भाजप-मित्र पक्षांच्या कार्यकर्त्यांनी मोठ्या संख्येने उपस्थित रहावे, असे आवाहन खासदार बारणे यांनी केले आहे.
