Juni Sangvi :संगीत आणि अध्यात्मातुन “मी”पण हरवते. – पं.सुरेशजी तळवळकर
कार्यक्रमाचे सूत्रसंचालन प्रा. डॉ गजानन महाराज वाव्हळ यांनी तर आभार ह भ प तुकाराम भाऊ महाराज यांनी मानले . तर रात्रीच्या प्रथम सत्रात सावनी तळवलकर गाडगीळ यांनी आपला तबला सोलो वादनाची सेवा सादर केली. त्यांनी तीनतालमधील “पेशकार कायदे तुकडे चक्रधार वाजवत रसिकांना मुग्ध केले. त्यांना हार्मिनियम साथ अभिषेक शिनकर यांनी केली . दुसऱ्या सत्रामध्ये पं रघुनंदन पणशीकर यांचे शिष्य विजय रामदासनं यांचे शास्त्रीय गायन झाले त्यांनी आपल्या गायनाचा प्रारंभ राग बिहाग मधील विलंबित एकतालातील बडा खयाल कैसे सुख सोवे ने केला. त्यांची लत उलजे सुलजा जा बालमा हि बंदिश श्रोत्यांच्या विशेष पसंतीस उतरली .त्यांनी सादर केलेला राग अडाणा मधील तीनतालातील माता कालिका जगतजननी हि बंदिश श्रोत्यांची दाद मिळवून गेली. त्यांनी सादर केलेले केलेले भजन लाल गोपाल वृंदावन धाम चे स्मरण करणारे झाले .त्यांना तबला साथ आशय कुलकर्णी तर हार्मिनिम साथ अभिषेक कुलकर्णी यांनी केली.
