Maharashtra GST : 110 कोटी रुपयांच्या बनावट कर क्रेडिट प्रकरणात महाराष्ट्र जीएसटी विभागाकडून अटकेची कारवाई

महाराष्ट्र वस्तू आणि सेवा कर विभागाने बनावट पावत्यांमध्ये गुंतलेल्या करदात्यांच्या विरोधात केलेल्या विशेष मोहिमेचा एक भाग म्हणून मेसर्स अग्रवाल एंटरप्रायझेस आणि इतर कंपन्यांच्या बाबतीत तपासणी करण्यात आली. रामनारायण बरुमल अग्रवाल (वय 62 वर्षे) हे 26 बोगस कंपन्या तयार करण्यात सहभागी असल्याचे तपासात निष्पन्न झाले. या कंपन्यांनी 56. 34 कोटी रुपयांचे बनावट इनपुट टॅक्स क्रेडिट घेतल्याचे आणि 54.64 कोटी रुपयांचे बनावट कर क्रेडिट वस्तू किंवा सेवांचा प्रत्यक्ष पुरवठा न करता पास केल्याचे आढळून आले असून या पद्धतीने वस्तू आणि सेवाकर विभागाची फसवणूक केली.

Vadgaon Maval : वडगावचे पाणी पेटले; पाणी येणार पण श्रेय कुणाचे ?

या प्रकरणात, बनावट करदात्यांकडून खरेदी इनपुट टॅक्स क्रेडिटचा दावा केला गेला आणि त्यामुळे महाराष्ट्र वस्तू आणि सेवा कर कायदा 2017 च्या तरतुदींचे उल्लंघन केल्याबद्दल श्री. अग्रवाल यांना अटक करण्यात आली असून मुख्य न्यायदंडाधिकारी, पुणे यांनी 14 दिवसांची न्यायालयीन कोठडी सुनावली आहे.(Maharashtra GST) विभागाचे अप्पर राज्यकर आयुक्त धनंजय आखाडे यांच्या मार्गदर्शनाखाली राज्यकर सहआयुक्त दीपक भंडारे यांच्या नेतृत्वाखाली अटकेची कारवाई करण्यात करण्यात आली आहे.

2022-23 मधील आतापर्यंत 50 वी अटकेची कारवाई केली आहे. यापुढेही महाराष्ट्र वस्तू आणि सेवा कर विभागाने करचोरी करणाऱ्या, बनावट इनव्हॉइस जारी करणाऱ्या आणि बनावट इनपुट टॅक्स क्रेडिटचा दावा आणि पास करणाऱ्यावर कठोर कारवाई करण्यात येणार आहे, अशी माहिती विभागाचे जनसंपर्क अधिकारी भागवत चेचे यांनी दिली आहे.