Pimpri News : बीआरटी बस थांब्यांसाठी उधळपट्टी सुरूच
एमपीसी न्यूज – पिंपरी-चिंचवड महापालिकेने शहरामध्ये कोट्यवधी रुपये खर्चून बीआरटी मार्ग उभारले आहेत. या मार्गावर सातत्याने लाखो रूपयांचा खर्च करण्यात येत (Pimpri News) असून आता पुणे-मुंबई या मार्गावरील बीआरटी मार्गावरील बसथांब्यातील विद्युतविषयक कामे करण्यात येणार आहे. त्यासाठी 34 लाखांचा खर्च केला जाणार आहे.
पिंपरी चिंचवड शहरामध्ये दापोडी ते निगडी, काळेवाडी फाटा ते देहू-आळंदी रस्ता, नाशिक फाटा ते वाकड, सांगवी फाटा ते किवळे, बोपखेल ते दिघी, किवळे ते निगडी भक्ती-शक्ती चौक हे बीआरटी मार्ग आहेत. या मार्गावर बसथांबे उभारण्यात आले आहेत. पुणे- मुंबई मार्गावरील बसथांब्यांमधील विद्युत साहित्याची, तसेच बॅटरी व इलेक्ट्रिक देखभाल करण्यासाठी बीआरटी विभागाने निविदा प्रक्रिया राबवली. त्यामध्ये चार ठेकेदारांनी सहभाग घेतला.
44 लाख 63 हजार रुपयांच्या या निविदेमध्ये मे. विमलाई इलेक्ट्रिक कॉर्पोरेशन या ठेकेदाराने 23 टक्के कमी दराने 34 लाख 3 हजार रुपये दर सादर केला. (Pimpri News) त्यानुसार पुणे-मुंबई मार्गावरील बीआरटी मार्गावरील बसथांब्यातील विद्युतविषयक कामे करण्यात येणार आहे. त्यासाठी 34 लाख 3 हजार रुपये खर्च करण्यास आयुक्त शेखर सिंह यांनी मान्यता दिली.