Bhosari : भारत सरकारच्या नोटरीपदी अॅड. अतिश लांडगे यांची निवड
एमपीसी न्यूज – अॅड.अतिश लांडगे यांची भारत सरकारच्या नोटरीपदी निवड करण्यात आली आहे. अॅड.लांडगे यांच्या नियुक्तीमुळे पिंपरी चिंचवड मधील नागरिकांना कमीतकमी खर्चामध्ये नोटरीची कामे करून मिळणार आहेत.
अॅड.अतिश लांडगे हे पुणे व पिंपरी न्यायालयात गेली 10 वर्षे दिवाणी व फौजदारी स्वरूपाची प्रकरणे हाताळत आहेत. त्यांनी पुणे जिल्हा विधी सेवा प्राधिकरण मार्फत येरवडा कारागृहातील 300 ते 400 आरोपींना मोफत कायदेविषयक सल्ला देऊन न्याय मिळवून दिला आहे.
तसेच गेल्या 2 वर्षांपासून पैशाअभावी वकील देणे शक्य होत नसलेल्या आरोपींना जामिन मिळवून देणे व त्यांची प्रकरणे हाताळणे अशी कामे ते करीत आहेत. अॅड.अतिश लांडगे यांनी बार कोन्सिल महाराष्ट्र आणि गोवा शिस्तपालन समितीवर सदस्य म्हणून काम पाहिले असून जयहिंद अर्बन सहकारी बँकेचे उपाध्यक्ष आहेत.