Sidhu Musewala : पुण्यातील ‘त्या’ तिघांचेही बिश्नोई गॅंगशी संबंध, तिघांनाही होती सिद्धू मुसेवालाच्या खुनाची माहिती
एमपीसी न्यूज – ओंकार बाणखेले आणि सिद्धू मुसेवाला (Sidhu Musewala) खूनप्रकरणातील संशयित आरोपी संतोष जाधव याला पुणे ग्रामीण पोलिसांनी रविवारी गुजरात राज्यातून अटक केली. यानंतर या प्रकरणात आता मोठमोठे खुलासे होऊ लागले आहेत. याप्रकरणात आतापर्यंत अटक केलेले सौरव महाकाल, संतोष जाधव आणि नवनाथ सुर्यवंशी या तिघांचेही लॉरेन्स बिष्णोई गँगसोबत संबंध आहेत. या तिघांना मुसेवाला खुनासंदर्भात माहिती होती, असे अप्पर पोलीस महासंचालक कुलवंत कुमार सरंगल यांनी सांगितले. त्याचबरोबर संतोष जाधवचा मित्र तेजस शिंदे हा देखील आरोपी असून पोलीस त्याचा शोध घेत आहोत, असेही त्यांनी सांगितले आहे.
Mahavitaran : पावसाळ्यात वीजयंत्रणेपासून सतर्क रहा; महावितरणचे आवाहन
पुणे पोलिसांनी रविवारी संतोष जाधव याला गुजरात राज्यातून अटक केली. सुरवातीला सौरव महाकाल याला अटक केली होती. त्याच्याकडे केलेल्या चौकशीत महाराष्ट्रात लॉरेन्स बिष्णोई गँगचे काही ग्रुप असल्याची माहिती मिळाली आहे. सिद्धू मुसेवाला (Sidhu Musewala) हत्याप्रकरणी राज्यस्थान, दिल्ली, गुजरात येथे या आरोपींच्या शोधासाठी पथक रवाना झाले होते. दरम्यान, अटक आरोपींचे लॉरेन्स बिष्णोईसोबत संबंध कसे आले याचा तपास करण्यात येईल, मुसेवाला खून प्रकरणात यांचा सहभाग नेमका आहे का, हे ही तपासले जाणार असल्याचे अप्पर पोलीस महासंचालक कुलवंत कुमार सरंगल यांनी सांगितले.