Chinchwad : श्री स्वामी समर्थ जेष्ठ नागरिक संघाचा वर्धापन दिन उत्साहात
श्री स्वामी समर्थ ज्येष्ठ नागरिक संघाचे अध्यक्ष प्रा. हरिनारायण शेळके (Chinchwad)यांनी संघाचा दहा वर्षाचा आढावा घेतला. माजी नगरसेवक नारायण बहिरवाडे यांनी जेष्ठ नागरिक संघ घेत असलेल्या कार्यक्रमाची व उपक्रमाची प्रशंसा केली. कार्यक्रमाचे अध्यक्ष डॉ. श्रीपाल सबनीस यांनी ” ज्येष्ठांचे सर्वांगीण आरोग्य ” या विषयावर अतिशय सखोल व मार्मिक असे प्रबोधन पर व्याख्यान दिले.
कार्यक्रमाची सुरुवात शंखानाद आणि स्वागत गीताने झाली. याप्रसंगी काही मान्यवरांचा उल्लेखनीय कार्य केल्याबद्दल सन्मान देखील करण्यात आला. या कार्यक्रमाचे सूत्रसंचालन व निवेदन सारिका रिकामे यांनी केले. आभार प्रदर्शन पर मनोगत राजाराम सावंत व अशोक सूर्यवंशी यांनी केले. सदर कार्यक्रमासाठी ज्येष्ठ नागरिक मोठ्या संख्येने उपस्थित होते. कार्यक्रम यशस्वी होण्यासाठी शोभा नलगे ,नीता खरे ,दिनकर पंडित ,यशवंत भोळे ,कांचन नेवे ,शिंदे सर ,कैलास सराफ ,मनीषा देव आदींनी परिश्रम घेतले.