Maval Corona Update : मावळ तालुक्यात आज कोरोनाचे 47 नवीन रुग्ण
एमपीसी न्यूज – मावळ तालुक्यात आज (शुक्रवारी, दि. 16) कोरोनाचे 47 रुग्णांचे कोरोना चाचणी अहवाल पॉझिटिव्ह आले आहेत. 47 रुग्णांना डिस्चार्ज देण्यात आला आहे. सध्या तालुक्यात 447 सक्रिय रुग्ण आहेत.
आज आढळलेल्या कोरोना रुग्णांमध्ये 29 रुग्ण शहरी भागातील आहेत. तर 18 रुग्ण ग्रामीण भागातील आहेत. तळेगाव शहरात 20, लोणावळा शहरात 5, वडगाव शहरात 4 रुग्ण आढळले आहेत.
शुक्रवारी मावळ तालुक्यातील ग्रामीण भागात आढळलेल्या रुग्णांमध्ये तळेगाव दाभाडे (ग्रामीण) 2, धामणे 7, टाकवे बु 3, चांदखेड 2, सोमाटणे 2, आढले बु 1, नाणोली तर्फे चाकण येथील एका रुग्णाचा समावेश आहे.
मावळातील 35 गावांमध्ये 15 पेक्षा कमी सक्रिय रुग्ण आहेत. तर 5 गावांमध्ये 15 पेक्षा अधिक कोरोनाचे सक्रिय रुग्ण आहेत. एकूण 40 गावांना कोरोनाने वेढा दिला आहे.
