Pimpri News: ‘कोविशिल्ड’चा साठा संपला, शहरात रविवारी फक्त ‘कोव्हॅक्सिन’चा डोस मिळणार
एमपीसी न्यूज – पिंपरी-चिंचवड महापालिकेला ‘कोविशिल्ड’ लसीचा पुरेसा साठा उपलब्ध झाला नाही. त्यामुळे उद्या (रविवारी) फक्त ‘कोव्हॅक्सिन’ लसीचा पहिला, दुसरा डोस देण्यात येणार आहे. किऑस्कद्वारे टोकन घेतलेल्या आणि ऑनलाइन पद्धतीने बुकिंग केलेल्या लाभार्थ्यांचे लसीकरण होणार आहे.
या 9 केंद्रांवर मिळणार लस
कै. हभप प्रभाकर मल्हारराव कुटे मेमोरिअल हॉस्पिटल आकुर्डी, जुने तालेरा रुग्णालय, मासुळकर कॉलनी आय हॉस्पिटल, जुने खिंवसरा पाटील हॉस्पिटल थेरगाव, अंकुशराव लांडगे नाट्यगृह भोसरी, यमुनानगर रुग्णालय, जुने जिजामाता रुग्णालय, आचार्य अत्रे सभागृह आणि निळू फुले नाट्यगृह पिंपळेगुरव या 9 केंद्रांवर ‘कोव्हॅक्सिन’चा पहिला, दुसरा डोस मिळणार आहे.
कोविन अ‍ॅपवर नोंदणीसाठी सकाळी 8 नंतर स्लॉट बुकिंगसाठी ओपन करण्यात येणार आहेत. ‘कोविशिल्ड’ लसीचा पुरेसा साठा उपलब्ध नसल्याने उद्या ‘कोविशिल्ड’ची लस मिळणार नाही.
