एमपीसी न्यूज – अयोध्येतील प्राणप्रतिष्ठा सोहळ्याच्या ( Pune ) पार्श्वभूमीवर उपमुख्यमंत्री देवेंद्र फडणवीस यांनी प्रभू श्रीरामांवर गीत लिहिले आहे. हे गीत लवकरच रिलीज होईल. विशेष म्हणजे या गीताची काही कडवी देवेंद्र फडणवीस यांच्या पत्नी अमृता फडणवीस यांनी गायली आहेत. खुद्द अमृता फडणवीस यांनीच तसे जाहीर केले.
आज ( दि.21 जानेवारी ) ‘नमो वॉकेथॉन’चे आयोजन करण्यात आले होते. या कार्यक्रमाला राज्याचे उच्च व तंत्र शिक्षण मंत्री चंद्रकांत पाटील आणि अमृता फडणवीस उपस्थित होते. यावेळी अमृता फडणवीस यांनी देवेंद्र फडणवीस यांनी लिहिलेल्या गाण्यातील काही कडवी गायली. हे गीत लवकरच रिलीज होणार असून प्रसिद्ध संगीतकार अजय-अतुल यांनी हे गीत संगीतबद्ध केल्याचे अमृता फडणवीस यांनी ( Pune ) सांगितले.
स्रीयांनी स्वत:च्या आरोग्याकडे लक्ष्य द्यावे .मी चमकते तुम्ही देखील चमका, स्वतःकडे लक्ष द्या, असा सल्ला अमृता फडणवीस यांनी उपस्थित महिलांना दिला.