Today’s Horoscope 04 May 2024 – जाणून घ्या आजचे राशिभविष्य
एमपीसी न्यूज – Today’s Horoscope 04 May 2024 – जाणून घ्या आजचे राशिभविष्य
आजचे पंचांग
आजचा दिवस – शनिवार.
तारीख – 04.05.2024.
शुभाशुभ विचार – 11 पर्यंत चांगला दिवस.
आज विशेष – वरुथिनी एकादशी.
राहू काळ – सकाळी 9.00 ते 10.30.
दिशा शूल – पूर्वेस असेल.
आज नक्षत्र – पूर्वा भाद्रपदा 22.07 पर्यंत नंतर उत्तरा भाद्रपदा.
चंद्र राशी – कुंभ 16.38 पर्यंत नंतर मीन.
—————————–
मेष ( शुभ रंग- मरून)
एखाद्या नवीन उपक्रमाचा श्री गणेशा आज दुपार पूर्वीच करून घ्या. हार्ड वर्क पेक्षा स्मार्टवर्क करून कामे लवकर उरकता येतील. आज काही अपुरी स्वप्न साकार होतील.
वृषभ (शुभ रंग- पिस्ता)
वेळीच घेतलेल्या योग्य निर्णयामुळे कार्यक्षेत्रात यशाचा मार्ग सोपा होईल. आज कर्तव्याला प्राधान्य देणे गरजेचे आहे. रिकामटेकड्या मित्रमंडळींना दुरूनच राम राम करा.
मिथुन (शुभ रंग – पांढरा)
कार्यक्षेत्रात वाढत्या जबाबदाऱ्यांचे दडपण येण्याची शक्यता आहे. बेकायदेशीर कृत्ये अंगाशी येऊ शकतील. सरकारी नियमांचे उल्लंघन करू नका. नाकासमोर चालणे हिताचे.
कर्क ( शुभ रंग- क्रीम)
आज कोणतीही धाडसाची कामे तसेच मोठे आर्थिक व्यवहार टाळावेत. कामगार वर्गाने स्वतःच्या सुरक्षेला प्राधान्य द्यावे. हातचे सोडून पळत्या मागे जाऊ नका.
सिंह ( शुभ रंग- लाल)
नोकरीच्या ठिकाणी आज कामाचा ताण कितीही वाढला तरीही वरिष्ठांचे सहकार्य राहील. घरात जोडीदारा कडूनही तुमच्या अपेक्षा पूर्ण होतील. आज काही शुभ समाचार येतील.
कन्या (शुभ रंग- स्ट्रॉबेरी )
नोकरदारांना आज वरिष्ठ गोड बोलून राबवून घेतील. काही आरोग्यविषयक समस्यांवर वेळीच डॉक्टरांचा सल्ला घेणे गरजेचे आहे. आज कुणालाही सल्ले देऊ नका.
तूळ (शुभ रंग- आकाशी)
आज तुमच्यात चैनी व विलासी वृत्ती बळावेल. कमी श्रमात जास्त लाभाची स्वप्न पहाल. आज मौज मजेला तुमचे प्रथम प्राधान्य राहील. प्रकृती उत्तम साथ देईल.
वृश्चिक ( शुभ रंग- जांभळा)
बरेच दिवसापासून रखडलेल्या घरगुती कामात आज लक्ष देणे गरजेचे आहे. गृह उद्योग करणाऱ्या महिलांची मिळकत चांगली असेल. मुले आज मन लावून अभ्यास करतील.
धनु (शुभ रंग- जांभळा)
अहंकाराला थारा देऊ नका. गोड बोलूनच अनेक अवघड कामे सोपी होतील. शेजारी आज आपलेपणानेच डोकावतील. आज महत्त्वाचे निर्णय अनुभवींच्या सल्ल्याने घ्यावेत.
मकर (शुभ रंग- भगवा)
व्यवसायात उत्तम आर्थिक यश मिळून स्वतःचे वेगळेच स्थान निर्माण कराल. आज तुम्ही तुमच्या कार्यक्षेत्रातील नवोदित मंडळींना ही योग्य मार्गदर्शन करू शकाल.
कुंभ ( शुभ रंग- निळा)
आज तुम्ही काहीसे बेफिकीरपणे वागाल. स्वतःचेच खरे करण्याकडे तुमचा कल असेल. आज तुम्ही अति उत्साहाच्या भरात काही चुकीचे निर्णय घ्याल.
मीन ( शुभ रंग- डाळिंबी)
अनावश्यक खर्चावर लगाम घालण्याची गरज आहे. आज दिवसाच्या उत्तरार्धात काही अत्यावश्यक खर्च हात जोडून उभे राहू शकतात. काही अनपेक्षित घटना घडतील.
शुभम भवतु
श्री जयंत कुलकर्णी.
ज्योतिष व वास्तुशास्त्र सल्लागार
9689165424
