Today’s Horoscope 15 Nov 2023 : जाणून घ्या आजचे राशीभविष्य
एमपीसी न्यूज – आजचे पंचांग. आजचा दिवस – बुधवार.
तारीख – 15 नोव्हेंबर 2023. शुभाशुभ विचार – आनंदी दिवस. (Today’s Horoscope 15 Nov 2023)
आज विशेष – भाऊबीज, यमद्वितीया.
राहू काळ – दुपारी १२.०० ते ०१.३०.
दिशा शूल – उत्तरेस असेल.
आज नक्षत्र – ज्येष्ठा.
चंद्र राशी – वृश्चिक.
—————————–
Today’s Horoscope 15 Nov 2023
मेष – (शुभ रंग – क्रीम)
आजचा दिवस उद्योग व्यवसायाच्या दृष्टीने तितकासा अनुकूल नाही. मोठे आर्थिक व्यवहार उद्यावरच ढकला. आज ज्येष्ठांची पावले सत्संगाकडे आपोआप वळतील.
वृषभ – (शुभ रंग- राखाडी)
सगळी महत्वाची कामे आज दिवसाच्या पूर्वार्धात उरकून घ्या. संध्याकाळी आर्थिक व्यवहार जपून करा. भागीदारीच्या व्यवहारात काही सौम्य स्वरूपाचे मतभेद संभवतात.
मिथुन – (शुभ रंग- स्ट्रॉबेरी)
नोकरदारांवर वरिष्ठांची कृपादृष्टी राहील. आज तब्येत थोडी नरमच राहील. जुनी दुखणे अंगावर काढू नका पती-पत्नी मधील काही मतभेद सुसंवादाने मिटतील.
कर्क – (शुभ रंग – पांढरा)
तुमच्या प्रामाणिक मेहनतीस आज दैवाची उत्तम साथ लाभेल. स्वतःचे छंद जपण्यासाठी वेळही काढता येईल. तुमच्या कामातील उत्साहाचा विरोधकांनाही हेवा वाटेल.
Today’s Horoscope 15 Nov 2023
Kartik : ओळख मराठी महिन्यांची भाग 8 – दीपोत्सवाचा महिना कार्तिक!
सिंह – (शुभ रंग – हिरवा )
व्यापार उद्योगास पूर्ववत गती येईल. कार्यक्षेत्रात आपली मते इतरांना पटवून द्याल. आज स्थावराचे व्यवहार लाभ देतील. आज मातोश्रींचे सल्ले ही महत्त्वपूर्ण असतील.
कन्या – (शुभ रंग- जांभळा)
आज जुन्या ओळखीतून काही व्यवसाय वृद्धीच्या संधी येतील. केवळ चर्चेपेक्षा आज झटपट निर्णय घेणे योग्य ठरेल. गृहिणींना आज थोडा थकवा जाणवेल.
तूळ – (शुभ रंग- सोनेरी)
धंद्यातील येणी अनपेक्षित पणे वसूल होतील. मृदू वाणीने आज तुम्ही तुमच्या विरोधकांनाही आपलेसे कराल. आवक पुरेशी असली तरीही अनावश्यक खर्च थांबवायला हवेत.
वृश्चिक – (शुभ रंग – निळा)
महत्त्वाच्या चर्चेत इतरांचेही म्हणणे ऐकून घ्या. समोरची व्यक्ती आपल्यापेक्षाही हुशार असू शकते याचे भान ठेवा. तुमच्या लहरी व संशयी स्वभावावर नियंत्रण ठेवायला हवे.
Today’s Horoscope 15 Nov 2023
धनु – (शुभ रंग- चंदेरी)
हाती असलेल्या पैशाची उधळपट्टी करायला नको. कदाचित संध्याकाळी एखादा मोठा खर्च उद्भवेल की जो टाळता येणार नाही. एखादी चीज वस्तू गहाळ होण्याची शक्यता आहे. सतर्क रहा.
मकर – (शुभ रंग- मोरपिशी)
आज कार्यक्षेत्रात काही मनाजोगत्या घटना तुमच्या उत्साह वाढवतील. गोडबोल्या मंडळींपासून मात्र दूरच रहा. आज विरोधकही मैत्रीचा हात पुढे करतील.
कुंभ – (शुभ रंग- आकाशी)
उद्योगधंद्याच्या दृष्टीने अनुकूल दिवस असून नोकरीत वरिष्ठांचे सहकार्य राहील. अधिकार योग चालून येतील. हाताखालचे लोक तुमच्याशी आदबीने वागतील. आज तुम्ही म्हणाल ती पूर्व.
मीन ( शुभ रंग- आकाशी)
नोकरी धंद्यात काही मनाविरुद्ध घटना घडल्याने नैराश्य येऊ शकते. आज हातचे सोडून पळत्या मागे धावायचा मोह होईल पण तसे करू नका. झटपट लाभाचा मोह टाळा संयम गरजेचा आहे.
– जयंत कुळकर्णी
ज्योतिष व वास्तु शास्त्र सल्लागार
फोन 9689165424