Covid19 -JN.1 : देशात 24 तासांत कोविड चे 752 नवीन रुग्ण आढळले; 4 मृत्यू, सक्रिय रुग्णांची संख्या 3 हजारांच्या पुढे
एमपीसी न्यूज – गेल्या 24 तासात भारतात कोरोनाचे 752 नवीन नवे रुग्ण (Covid19 -JN.1)आढळले असून त्यामध्ये 4 जणांचा मृत्यू झाला आहे. केंद्रीय आरोग्य मंत्रालयाच्या आकडेवारीनुसार, शनिवारी कोविड-19 ची 752 नवीन प्रकरणे आणि 4 मृत्यूची नोंद झाली आहे. गेल्या-24-तासत भारतात- सक्रिय रुग्णांची संख्या 3,420 वर पोहोचली आहे.
Pimpri : पिंपरी करंडक ( पर्व 4 थे ) क्रिकेट स्पर्धेतून खेळाचा आनंद घ्या – मा. नगरसेवक संदीप वाघेरे
या पार्श्वभूमीवर लोकांनी घाबरून जाण्याची गरज (Covid19 -JN.1)नाही तर लोकांनी सतर्क राहण्याची गरज आहे,असे आरोग्य मंत्रालयाच्या वतीने सांगण्यात आले आहे.
शुक्रवारी, भारतात 640 नवीन कोविड-19 संसर्ग आणि एक मृत्यूची नोंद झाली. सक्रिय प्रकरणे आदल्या दिवशी 2,669 वरून 2,997 पर्यंत वाढली आणि शनिवारी हा आकडा 3,420 पर्यंत वाढला.
केरळमध्ये सर्वाधिक रुग्ण आढळले आहेत
मंत्रालयाने शनिवारी सकाळी अपडेट केलेल्या आकडेवारीनुसार, 17 राज्यांमध्ये कोविड-19 च्या सक्रिय प्रकरणांमध्ये वाढ झाली आहे. ज्यामध्ये केरळ (266), कर्नाटक (70), महाराष्ट्र (15), तामिळनाडू (13) आणि गुजरात (12) या राज्यांचा समावेश आहे.
मंत्रालयाने सांगितले की, केरळमध्ये कोविडमुळे दोन मृत्यू आणि कर्नाटक आणि राजस्थानमध्ये प्रत्येकी एक मृत्यू झाला आहे. आता मृतांची संख्या 5,33,332 वर पोहोचली आहे आणि मृत्यूचे प्रमाण 1.18 टक्के नोंदवले गेले आहे. आरोग्य मंत्रालयाने सांगितले की, गेल्या 24 तासांत कोविड-19 मधून 325 लोक बरे झाले आहेत.
तथापि, केंद्राने गंभीर आजारांनी ग्रस्त असलेल्या लोकांना खबरदारी म्हणून फेस मास्क घालण्याचा सल्ला दिला आहे. WHO ने JN.1 चे वर्णन Omicron कुटुंबाचे स्वरूप म्हणून केले आहे. डब्ल्यूएचओने म्हटले आहे की, हा विषाणू वेगाने पसरत आहे आणि तो चिंताजनक असू शकतो.
अधिका-यांनी सांगितले की, भारतात JN.1 प्रकारामुळे प्रकरणांचे कोणतेही क्लस्टरिंग झालेले नाही. जी काही प्रकरणे आढळून आली आहेत ती खूपच सौम्य आहेत आणि रुग्ण कोणत्याही लक्षणांशिवाय बरे होत आहेत.
