Dehuroad corona Update : आज 17 नवीन रुग्णांची नोंद ; शितळानगर नं. एकमध्ये सर्वाधिक 6 रुग्ण

एमपीसीन्यूज : देहूरोड कॅन्टोन्मेंट बोर्ड  हद्दीतील शितलानगर नं. 1 येथे सर्वाधिक 6, चिंचोली येथे 4, कोटेश्वरवाडी येथे 3, तर शेलारवाडी, किन्हई, आंबेडकरनगर आणि एमबी कॅम्प येथे प्रत्येकी एक अशा एकूण 17 नवीन कोरोनाबाधित रुग्णांची आज, शनिवारी नोंद झाली. तर  उपचार पूर्ण होऊन बरे झालेल्या 21 रुग्णांना डिस्चार्ज देण्यात आला.

आजपर्यंत हद्दीत एकूण 707 पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.

देहूरोड कॅन्टोन्मेंट बोर्ड प्रशासनाच्या वतीने आज, शनिवारी सायंकाळी सात वाजेपर्यंतचा कोरोना अहवाल प्रसिद्धीस  दिला आहे.

त्यामध्ये कॅन्टोन्मेंट बोर्ड हद्दीत 17 नवीन कोरोना बाधित रुग्णांची नोंद झाल्याचे म्हटले आहे. आजपर्यंत कॅन्टोन्मेंट हद्दीत  एकूण 707 पॉझिटिव्ह रुग्ण आढळून आले. यापैकी सध्या 34 रुग्ण रुग्णालयात दाखल आहेत.

महात्मा गांधी कोविड केअर सेंटरमध्ये 38 रुग्णांना, हिंजवडी येथील विप्रो कोविड केअर सेंटर येथे ३ रुग्ण उपचारासाठी दाखल करण्यात आले आहे.

86 रुग्ण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.

आज 21 रुग्णांना डिस्चार्ज देण्यात आला. आजपर्यंत एकूण 527 रुग्ण उपचारातून बरे झाल्याने त्यांना घरी सोडण्यात आले.

दरम्यान, हद्दीतील कोरोना मृतांची संख्या 19 इतकी झाली आहे.