Dehuroad Corona Update : राजीव गांधीनगर आणि थॉमस कॉलनीत दोन कोरोना पॉझिटिव्ह रुग्णांची नोंद ; दोघांना डिस्चार्ज
एमपीसी न्यूज : देहूरोड कॅन्टोन्मेंट बोर्ड हद्दीत आज ( शुक्रवारी ) दोन कोरोना पॉझिटिव्ह रुग्णांची नोंद झाली. यामध्ये राजीव गांधीनगर आणि थॉमस कॉलनीतील प्रत्येकी एका रुग्णाचा समावेश आहे. तर कोरोनामुक्त झालेल्या अन्य दोन रुग्णांना आज डिस्चार्ज देण्यात आला.
हद्दीतील कोरोनाच्या सक्रिय रुग्णांची संख्या 8 इतकी असल्याची माहिती कॅन्टोन्मेंट बोर्ड प्रशासनाने दिली.
कॅन्टोन्मेंट प्रशासनाने आज, सायंकाळी सात वाजता प्रसिद्ध केलेल्या आकडेवारीनुसार, आजपर्यंत हद्दीत एकूण 1369 कोरोना पॉझिटिव्ह रुग्ण आढळून आले. आज राजीव गांधीनगर आणि थॉमस कॉलनीतील प्रत्येकी एका रुग्णाचा अहवाल कोरोना पॉझिटिव्ह आला. तर सध्या एका रुग्णावर रुग्णालयात उपचार सुरु आहेत.
कोरोनामुक्त झालेल्या दोन रुग्णांना आज घरी सोडण्यात आले. आतापर्यंत एकूण 1326 रुग्ण उपचारातून बरे झाल्याने त्यांना घरी सोडण्यात आले आहे. होम आयसोलेशनमध्ये 7 रुग्ण असून हद्दीत एकूण 8 सक्रिय रुग्ण आहेत. तर कोरोना मुक्त झालेल्या दोन रुग्णांना डिस्चार्ज देण्यात आला आहे.
सीजिएच कोविड सेंटरमध्ये सध्या एकही रुग्ण दाखल नाही. कोरोनामुळे आजपर्यंत 35 रुग्णांचा मृत्यू झाला असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
