Chinchwad News : श्री गजानन बँकेच्या अध्यक्षपदी अनुराधा गोरखे यांची निवड
एमपीसी न्यूज : श्री. गजानन लोकसेवा सहकारी बँकेच्या जेष्ट संचालिका माजी नगरसेविका अनुराधा गोरखे यांची अध्यक्षपदी बिनविरोध निवड झाली. गोरखे या गेली बावीस वर्षे राजकीय व सहकार क्षेत्रात कार्यरत आहेत. तसेच श्री गजानन लोकसेवा सहकारी बँकेच्या स्थापनेपासून त्या बँकेच्या संचालिका आहेत.
नियमाप्रमाणे महाराष्ट्र राज्याच्या सहकार खात्यातर्फे अध्यासी अधिकारी नवनाथ अनपट (भोसले), जिल्हा उपनिबंधक, सहकारी संस्था, पुणे शहर यांच्या अध्यक्षतेखाली गुरुवारी बँकेच्या संचालक मंडळाच्या सभेत सदर निवडणूक प्रक्रिया पार पाडली.
नवनिर्वाचित अध्यक्षा अनुराधा गोरखे यांनी सर्व संचालक मंडळाचे आभार मानून पुढील काळात बँकेच्या प्रगतीसाठी कटिबद्ध राहू, असे मनोगत व्यक्त केले.
सदर निवडणूक प्रक्रियेवेळी उपाध्यक्ष रमेश वाणी, संचालक दिलीप देशमुख, शंकर वाडकर, आनंदराव निकम, अशोक काळभोर, अतुल इनामदार, धर्मेंद्र थारेवाल, वंदना भांगडिया, वत्सला जाधव, ऍड. अमित चौकडे, ऍड.अभयकुमार आपटे हजर होते.
बँकेचे यापूर्वीचे अध्यक्ष मधुकर बाबर यांचे नुकतेच अल्पशा आजाराने निधन झाल्याने श्री गजानन लोकसेवा सहकारी बँकेचे अध्यक्षपद रिक्त झाले होते. त्यामुळे नवीन अध्यक्ष निवडण्यासाठी निवडणूक घेण्यात आली.
