Maval Corona Update : दिवसभरात 63 नवे रुग्ण तर 20 जणांना डिस्चार्ज

एमपीसी न्यूज : मावळ तालुक्यात रविवारी (दि.21) 63 रुग्णांचा चाचणी अहवाल पॉझिटिव्ह आला, तर दिवसभरात 20 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. तालुक्यातील सक्रिय रुग्णांची संख्या 475 आहे.

आज लोणावळा नगरपरिषदेच्या हद्दीत एकही रुग्ण सापडला नाही. तळेगाव दाभाडे नगरपरिषदेच्या हद्दीत 33, तर वडगाव नगरपंचायतीच्या हद्दीत 06रुग्ण सापडले. सध्या रुग्णालयात 475 रुग्ण उपचार घेत आहेत. तालुक्यातील कोरोनाबाधितांची एकूण संख्या 9009 झाली आहे. तर दिवसभरात 20 जणांना डिस्चार्ज देण्यात आला.

रविवारी आढळलेल्या कोरोना रुग्णांमध्ये शहरी भागात 39 रुग्ण सापडले. ग्रामीण भागात कामशेत येथे 10 रूग्ण, आंबी 05, वराळे 04 तर सोमाटणे 02, तर नवलाख उंब्रे, ओझर्डे व नाणोली तर्फे चाकण येथे प्रत्येकी 01 रुग्ण सापडला.

आतापर्यंत 8303 जणांना डिस्चार्ज देण्यात आला आहे. मावळ तालुक्यातील आज एकाही रुग्णाचा मृत्यू झाला नाही. आतापर्यंत 232 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 2831, लोणावळा नगरपरिषद हद्दीत 1718 व वडगाव नगरपंचायत हद्दीत 593 रुग्ण सापडले आहेत.

शहरी भागात 5142 रुग्ण तर ग्रामीण भागात 3867 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.