Maval Corona Update : तालुक्यात 102 कोरोना रुग्णांची वाढ; 70 जणांना डिस्चार्ज 

एमपीसी न्यूज – मावळ तालुक्यात बुधवारी (दि.31) 102 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 70 जणांना डिस्चार्ज देण्यात आला.आज एकही रुग्णांचा कोरोनाने मृत्यू झाला नसून आतापर्यंत 238 रुग्णांचा कोरोनाने मृत्यू झाला.

सक्रिय रुग्णांची संख्या 785 आहे. आज तळेगाव दाभाडे नगरपरिषदेच्या हद्दीत 58 रुग्ण सापडले. लोणावळा नगरपरिषदेच्या हद्दीत 11 रुग्ण व वडगाव नगरपंचायतीच्या हद्दीत 05 रुग्ण सापडले.

सध्या रुग्णालयात 785 रुग्ण उपचार घेत आहेत. तालुक्यातील कोरोनाबाधितांची एकूण संख्या 9802 झाली आहे. तर दिवसभरात 70 जणांना डिस्चार्ज देण्यात आला. बुधवारी आढळलेल्या कोरोना रुग्णांमध्ये शहरी भागात 74 रुग्ण तर ग्रामीण भागात 28 रुग्ण सापडले.

ग्रामीण भागात कामशेत येथे 14, वेहरगाव 05, सुदवडी, शिवणे, नाणे, नायगाव, साते, टाकवे बुद्रुक, दहिवली, गोवित्री व शिळिंब प्रत्येकी 01 असे एकूण 28 रुग्ण सापडले.

8780 जणांना आतापर्यंत डिस्चार्ज देण्यात आला आहे. आतापर्यंत 238 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक 3201, लोणावळा नगरपरिषद हद्दीत 1809 व वडगाव नगरपंचायत हद्दीत 629 रुग्ण सापडले आहेत.

शहरी भागात 5639 रुग्ण तर ग्रामीण भागात 4163 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.