Pavana Dam update : शहरवासीयांची वर्षभराची पाण्याची चिंता मिटली; पवना धरणात 90 टक्के पाणीसाठा
एमपीसी न्यूज – पिंपरी-चिंचवडकर आणि मावळवासीयांची तहान भागविणाऱ्या पवना धरण परिसरात पावसाचा जोर कमी (Pavana Dam update) झाला असला तरी धरणात पाण्याचा येवा सुरू आहे. गेल्या 24 तासात 32 मिली मीटर पावसाची नोंद झाली आहे. धरणातील पाणीसाठा 89.82 टक्यांवर गेला आहे.
Dehuroad : मणिपूर अत्याचार प्रकरणाचा काँग्रेसकडून निषेध
पवना धरणातून पिंपरी-चिंचवड, मावळातील गावांना, शेतीला पाणीपुरवठा केला जातो. या भागासाठी पाणी पुरवठ्याचा पवना धरण मुख्य स्त्रोत आहे. पवना धरणाचे काम सन 1972 साली पूर्ण झाले आहे. महापालिका पवना नदीतून रावेत येथील बंधा-यातून अशुद्ध जलउपसा करण्यात येतो. सेक्टर 23 निगडी येथे पाणी शुद्ध करुन शहरवासीयांना पुरवठा केला जातो.
धरणातील पाण्याची परिस्थिती!
# गेल्या 24 तासात झालेला पाऊस – 32 मिली मीटर
# 1 जूनपासून झालेला एकूण पाऊस – 1862 मिली मीटर
# गेल्यावर्षी आजच्या तारखे पर्यंत झालेला एकूण पाऊस – 1581 मिली मीटर
# धरणातील सध्याचा पाणी साठा – 89.82 टक्के
# गेल्यावर्षी आजच्या तारखेचा धरणातील पाणीसाठा – 81.30 टक्के
# गेल्या 24 तासात पाणी साठ्यात झालेली वाढ – 1.87 टक्के
# 1 जूनपासून पाणी साठ्यात झालेली वाढ – 71.92 टक्के
