Pimpri Corona Update: शहरात गुरुवारी 47 नवीन रुग्णांची नोंद
एमपीसी न्यूज – पिंपरी – चिंचवड शहरात कोरोनाच्या (Pimpri Corona Update) रुग्णसंख्येत वाढ होत असून शहराच्या विविध भागातील 47 नवीन कोरोना बाधित रुग्णांची आज (गुरूवारी) नोंद झाली. तर, कोरोनामुक्त झालेल्या 15 जणांना डिस्चार्ज देण्यात आला.
कोरोनामुळे (Pimpri Corona Update) महापालिका हद्दीतील एकाही रुग्णाचा आज मृत्यू झाला नाही. आजपर्यंत शहरातील 4 हजार 624 जणांचा कोरोनामुळे मृत्यू झाला.
शहरातील 3 लाख 59 हजार 982 जणांना आजपर्यंत कोरोनाची लागण झाली. सध्या 186 सक्रिय रुग्ण शहरात आहेत. सर्वच रुग्ण गृहविलगीकरणात उपचार घेत आहेत. महापालिका रुग्णालयामध्ये एकही रुग्ण दाखल नाही.
तर, शहरात मेजर कंटेन्मेंट झोन एकही नाही. 36 मायक्रो कंटेन्मेंट झोन आहेत. आज दिवसभरात 2 हजार 49 नागरिकांचे लसीकरण झाले. आजपर्यंत 36 लाख 14 हजार 105 जणांनी कोरोना प्रतिबंधक लस घेतली.
