Pune Corona Update : पुण्यात आज 226 नवे रुग्ण; दिवसभरात 335 जणांना डिस्चार्ज
एमपीसी न्यूज – पुण्यात आज दिवसभरात 226 नव्या कोरोनाबाधितांची तर 335 रुग्णांना डिस्चार्ज दिल्याची नोंद करण्यात आली आहे.
पुणे पालिका हद्दीत 15 कोरोनाबाधित रुग्ण तर पुण्याबाहेरील 10 रुग्णांचा मृत्यू झाला आहे. आजच्या नव्या संख्येसह मृतांची एकूण संख्या 8 हजार 565 इतकी झाली आहे. शहरात 309 गंभीर रुग्णांवर उपचार सुरु आहेत. तर ॲक्टिव्ह रुग्ण संख्या 2408 झाली आहे.
आजपर्यंत एकूण पॉझिटिव्ह रुग्णसंख्या 4 लाख 77 हजार 310 इतकी झाली आहे. पुण्यात आतापर्यंत एकूण 4 लाख 66 हजार 337 जणांना डिस्चार्ज देण्यात आला आहे, तर पुणे शहरात आज एकाच दिवसात 5 हजार 859 नमुने घेण्यात आले आहेत.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
