Pune : गांजा विक्रीसाठी आलेल्या उत्तर प्रदेशातील दोघांना अटक; 69 हजार रुपयांचा मुद्देमाल जप्त
एमपीसी न्यूज – नगर रस्त्यावर गांजा विक्रीसाठी आलेल्या दोघांना पोलिसांनी ( Pune ) पकडले. त्यांच्याकडून पावणेतीन किलो गांजा, मोबाइल संच असा मुद्देमाल जप्त करण्यात आला.
Ravet : नौशाद शेखवर आणखी एक गुन्हा
सागर कुमार (वय 23), शिवम सरोज (वय 22, दोघे मूळ रा. गोरीडी, संत बिरदास नगर, उत्तर प्रदेश) अशी अटक करण्यात आलेल्यांची नावे आहेत. चंदननगर भागातील नागपाल रस्त्यावर दोघे जण गांजा विक्रीसाठी येणार असल्याची माहिती पोलीस कर्मचारी नामदेव गडदरे, सुभाष आव्हाड यांना मिळाली.
पोलिसांच्या पथकाने सापळा लावून सागर आणि शिवम यांना पकडले. त्यांच्याकडील पिशवीची तपासणी करण्यात आली. तेव्हा पिशवीत गांजा आढळून आला. दोघांकडून पावणेतीन किलो गांजा, मोबाइल संच असा 69 हजार 400 रुपयांचा मुद्देमाल जप्त करण्यात आला.