Today’s Horoscope 11 February 2021 : जाणून घ्या आजचे राशीफळ
एमपीसी न्यूज - आजचे पंचांग – वार – गुरुवार, दि. 11 फेब्रुवारी 2021
- शुभाशुभ विचार –अनिष्ट दिवस.
- आज विशेष – दर्श अमावास्या.
- राहू काळ – दुपारी 1.30 ते 3.00.
- दिशा शूल – दक्षिणेस असेल.
- आजचे नक्षत्र – श्रवण. 14.05 पर्यंत नंतर धनिष्ठा.
- चंद्र राशी – मकर.
आजचे राशीभविष्य
मेष – (शुभ रंग – राखाडी )
व्यवसायात भिडस्तपणास लगाम घालणे गरजेचे आहे. कामाच्या प्रचंड व्यापामुळे महत्वाच्या घरगुती प्रश्नांकडे तुमचे दुर्लक्ष होईल. नोकरीच्या ठिकाणी वरिष्ठांची आपल्यावर मर्जी आहेच अशा भ्रमात राहू नका.
वृषभ – (शुभ रंग- सोनेरी)
वडिलधार्‍यांशी मतभेद होतील पण तुम्ही त्यांच्या वयाच्या मान राखाल. नोकरीच्या ठिकाणी वरिष्ठांशी ही नमते घ्यावे लागेल. आज अहंकारास लगाम घालणे हिताचे राहील.
मिथुन – (शुभ रंग- चंदेरी)
आज उतावीळपणे कोणतेही निर्णय घेणे योग्य ठरणार नाही. न मागता सल्ले देणारी बरीच मंडळी भेटतील. आज तब्येतीच्या किरकोळ तक्रारीही दुर्लक्षित करू नका. पत्नी जे म्हणेल त्याला हो म्हणून मोकळे व्हा.
कर्क – ( शुभ रंग – गुलाबी)
बरेच दिवसांनी आज तुम्हाला अपेक्षित असलेल्या प्रिय व्यक्तीचा अचानक फोन येईल. कवींना प्रेमगीते सुचतील. आज तुमच्या खर्चिक स्वभावामुळे पैसा कितीही आला तरी पुरणार नाही.
सिंह – ( शुभ रंग -स्ट्रॉबेरी )
हातचे सोडून पळत्याच्या मागे धावण्याचा मोह होईल. कार्यक्षेत्रात विरोधकांना कमजोर समजू नका. भावनेच्या भरात कोणाला शब्द देऊ नका. काही येणी असतील तर मागितल्याशिवाय मिळणार नाहीत.
कन्या – ( शुभ रंग- पिस्ता)
काही नव्या ओळखी होतील तुमचे कार्यक्षेत्र विस्तारेल. तुम्हाला एखाद्या नवीन विषय शिकण्याची संधी मिळेल. पैसा येण्या ईतकेच पैसा जाण्याचे ही मार्ग प्रशस्त असतील.
तूळ – ( शुभ रंग- पांढरा)
कुटुंबियांना अभिमान वाटेल अशी एखादी कामगिरी तुमच्या हातून आज घडेल. कौटुंबिक वाढत्या जबाबदाऱ्या पूर्ण करताना गृहिणींना थकवा जाणवेल. मुलांचे हट्ट पुरवाल.
वृश्चिक – ( शुभ रंग- जांभळ)
बरेच दिवसापासून तुम्हाला अपेक्षित असलेली मेल्स येतील. आज तुम्हाला एखादी गुप्त बातमी समजेल. गृहिणींनी झाकली मूठ झाकली ठेवणे गरजेचे आहे. एखाद्या प्रसंगी शेजाऱ्यांची गरज लागेल.
धनु – (शुभ रंग – मोरपिशी)
आज योग्य माणसे तुमच्या संपर्कात येतील. राशीच्या धनस्थानातून चंद्रभ्रमण होत असल्याने अनपेक्षित पैशाचे आगमन होईल. तुमची भाग्योदयाकडे यशस्वी वाटचाल होईल.
मकर – ( शुभ रंग – मरून)
आज तुम्ही सकारात्मक दृष्टिकोन बाळगून निस्वार्थीपणे काही कामे कराल. नवविवाहितांची स्वप्ने साकार होतील. अनेक अवघड कामे सोपी होतील. आजच्या कष्टांचे फळ उद्या नक्की.
कुंभ – ( शुभ रंग- नारिंगी)
आज तुम्हाला वाढत्या जबाबदाऱ्यांचे दडपण येण्याची शक्यता आहे. आज देण्याघेण्याचे व्यवहार चोख ठेवा. एखाद्या समारंभात वावरताना आपले मौल्यवान ऐवज सांभाळा.
मीन – ( शुभ रंग- डाळिंबी)
आज तुम्हाला काही विद्वान मंडळींचा सहवास लाभेल. चांगली वैचारिक देवाणघेवाण होईल. आज तुमच्या कामातील उत्साह इतरांना प्रेरणा देईल. उद्योगधंद्यात प्रगतीरथ वेगवान राहील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
