Today’s Horoscope 21 June 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 21 June 2023 – जाणून घ्या आजचे राशिभविष्य
आजचे पंचांग –
वार – बुधवार.
21.06.2023.
शुभाशुभ विचार- शुभ दिवस
आज विशेष- सामान्य दिवस.
राहू काळ – दुपारी 12.00 ते 1.30
दिशा शूल – उत्तरेस असेल.
आजचे नक्षत्र – पुष्य.
चंद्र राशी – कर्क.
मेष – ( शुभ रंग- गुलाबी )
आज गृह सौख्याचा दिवस असून कौटुंबिक सदस्यात खेळीमेळीचे वातावरण असेल. अत्यंत सकारात्मकतेने आजच्या दिवसाची सुरुवात कराल. आज गरजूंना मदत करण्याचा प्रयत्न कराल.
वृषभ (शुभ रंग- मोरपंखी )
कार्यक्षेत्रात आज विरोधकांशी ही गोड बोलून आपला स्वार्थ साधून घ्यावा लागेल. आज बेरोजगारांना नोकरीचे कॉल्स येतील. आज आलेली कुठलीही संधी वाया घालवू नका.
मिथुन ( शुभ रंग- आकाशी )
आज तुमची आर्थिक बाजू भक्कम राहील. एखाद्या महत्त्वाच्या बातमीने आजच्या दिवसाची सुरुवात होईल. आज आपल्या जोडीदाराचे मन जपण्याचा प्रयत्न कराल.
कर्क (शुभ रंग- लाल)
आज कार्यक्षेत्रात तुमच्या प्रगतीचा आलेख उंचावेल नवीन आव्हाने आत्मविश्वासाने स्वीकाराल. जोडीदारास अभिमानास्पद वाटणारी एखादी कामगिरी तुमच्या हातून होईल.
सिंह (शुभ रंग- पांढरा )
आज काटकसरी वृत्तीस थोडा लगाम घालून काही अत्यावश्यक खर्च करावाच लागणार आहे. घरात थोरांच्या होला हो करून वाद आवरते घ्या. प्रवासात तब्येतीस जपा.
कन्या ( शुभ रंग- पिस्ता)
एखाद्या नव्या उपक्रमाची सुरुवात करण्यासाठी आजचा दिवस उत्तम आहे. नोकरदारांच्या रास्त मागण्या वरिष्ठ मान्य करतील. वास्तु वाहन खरेदीसाठी कर्ज मंजुरी होईल.
तूळ ( शुभ रंग- भगवा)
तुमच्या कार्यक्षेत्रातील अति व्यस्ततेमुळे आज तुम्हाला कुटुंबीयांची नाराजी पत्करावी लागेल. नोकरदारांना वरिष्ठांच्या मागे पुढे करावेच लागेल. अतिव्यस्त दिवस.
वृश्चिक (शुभ रंग- हिरवा)
तुमच्या प्रामाणिक प्रयत्नांना दैवाची साथ लाभेल. घरात एखादे धार्मिक कार्य करण्याचे बेत आखाल. नोकरीत वरिष्ठांची मर्जी राहील. ज्येष्ठ मंडळी आज सत्संगात रमतील.
धनु- (शुभ रंग- तांबडा)
आज जे काही कराल ते तब्येतीस जपून करा. आपल्या कुवती बाहेर जबाबदाऱ्या स्वीकारूच नका. गोडबोल्या मंडळींपासून दोन हात दूरच रहा. जोडीदार सांगेल तेच आज योग्य असेल.
मकर ( शुभ रंग- मोतिया )
उद्योगधंद्यातील वाढत्या स्पर्धेस समर्थपणे तोंड द्याल. अडचणीत जोडीदाराची खंबीर साथ राहील. आज तुम्ही एखादा विवाह जुळवण्यास यशस्वी मध्यस्थी कराल.
कुंभ (शुभ रंग – जांभळा)
नोकरदारांवर कामाचा वाढता ताण राहील. ध्येय साध्य करण्यासाठी कामाचे तास वाढवावे लागतील. आज जोडीदार जे म्हणेल त्याला हो म्हणून मोकळे व्हा.
मीन -(शुभ रंग – डाळिंबी )
आज सौंदर्य प्रसाधनांचे व्यवसाय चांगले चालतील. कला क्रीडा क्षेत्रातील मंडळी उत्कृष्ट कामगिरी करतील. उच्च शिक्षित मंडळींच्या महत्त्वकांक्षा वाढतील. प्रकृती उत्तम साथ देईल.
शुभम भवतु
श्री जयंत कुलकर्णी.
ज्योतिष व वास्तु सल्लागार.
संपर्क-9689165424
