Today’s Horoscope 21 May 2021 : जाणून घ्या आजचे राशीफळ
एमपीसी न्यूज - आजचे पंचांग. वार – शुक्रवार. 21 मे 2021
- शुभाशुभ विचार –चांगला दिवस.
- आज विशेष -साधारण दिवस.
- राहू काळ – सकाळी 10.30 ते 12.00.
- दिशा शूल – पश्चिमेस असेल.
- आजचे नक्षत्र – 15.22 पर्यंत पूर्वा फाल्गुनी नक्षत्र, नंतर उत्तरा फाल्गुनी.
- चंद्र राशी – सिंह 21.07 पर्यंत नंतर कन्या.
आजचे राशीभविष्य
मेष – (शुभ रंग- मोतिया)
आज रिकामटेकड्या गप्पा टाळा कारण त्यातूनच गैरसमज पसरतील. भावनेच्या भरात कुणाला शब्द देऊ नका. व्यवसायात कामाचे तास वाढवावे लागणार आहेत.
वृषभ – ( शुभ रंग -मोरपंखी)
कुटुंबात आर्थिक सुबत्ता नांदेल. भावनेच्या भरात घेतलेले निर्णय कदाचित चुकण्याची शक्यता आहे. मुलं मन लाऊन अभ्यास करतील. शब्द जपून वापरल्यास वाद टाळू शकाल.
मिथुन – ( शुभ रंग- सोनेरी)
आवक समाधानकारक असल्याने तुमची मनस्थिती उत्तम राहील. वाढत्या स्पर्धेचा सामना करण्यासाठी तुम्ही सज्ज असाल. जोडीदाराची साथ अत्यंत मोलाची राहील.
कर्क – (शुभ रंग- आकाशी)
आज मोठ्या लोकांच्या ओळखीने आपले हित साधून घेता येईल. जिवलग मित्र आज तुम्हाला हिताचे सल्ले देतील. उत्पन्नाचे विविध मार्ग खुले होतील. वेळेचे योग्य नियोजन गरजेचे आहे.
सिंह – ( शुभ रंग जांभळा)
नवीन व्यावसायिक मंडळींना यश दृष्टिक्षेपात येईल. आज कामाच्या व्यापात घरगुती प्रश्न दुर्लक्षित होतील. कुटुंबीयांची नाराजी पत्करावी लागू शकते.
कन्या – ( शुभ रंग – लाल )
कामगारांना ओव्हरटाइम करावा लागेल. आज काही देणीही चुकवावी लागतील. जमाखर्चाचा तराजू डळमळीत होईल. अनावश्यक खर्चाचे प्रमाण कमी करणे गरजेचे.
तूळ – ( शुभ रंग- पांढरा)
आनंदी व उत्साही असा आजचा दिवस असून सर्व कामे विनाव्यत्यय पार पडतील. कुटुंबियांस पुरेसा वेळ देता येईल. पूर्वी घेतलेल्या अचूक निर्णयामुळे काही लाभ पदरात पडेल.
वृश्चिक – ( शुभ रंग- पिस्ता)
नोकरदारांना आज वरिष्ठांच्या दडपणाखाली काम करावे लागेल. स्वतःच्या तब्येतीकडे दुर्लक्ष होईल. मित्रांना दिलेला शब्द पाळणे कठीण जाईल. मुलांच्या आरोग्याची काळजी घ्यावी लागेल.
धनु – (शुभ रंग- केशरी)
आज शासकीय कामे रखडणार आहेत. नवीन उपक्रमांची सुरुवात उद्यावर ढकला. नोकरीत वरिष्ठ जितके विचारतील तितकेच बोला. गृहिणींचा आज देव धर्माकडे ओढा राहील.
मकर – (शुभ रंग-तांबडा)
नवीन झालेल्या ओळखीत आर्थिक व्यवहार करू नका. कष्टाची कामे करणार्‍यांनी आपल्या सुरक्षेची काळजी घ्यावी. जोडीदाराच्या चुका काढायची चूक करू नका.
कुंभ – ( शुभ रंग -स्ट्रॉबेरी)
कार्यक्षेत्रात स्पर्धकांवर सहजपणे मात करू शकाल. घरात आधुनिक सुख सुविधांसाठी हौशीने खर्च कराल. आज वैवाहिक जीवनात गोडी गुलाबी राहील.
मीन – (शुभ रंग- गुलाबी)
एखाद्या क्षुल्लक घटनेमुळे बेचैन व्हाल. आज रुग्णांनी पथ्य पाण्याची काळजी घ्यायला हवी. अन्यथा एखादा बरा झालेला आजार उलटण्याची शक्यता आहे. थोडी विश्रांती ही गरजेची आहे.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार
