Today’s Horoscope 27 October 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 27 October 2023 – जाणून घ्या आजचे राशिभविष्य
आजचे पंचांग –
वार – शुक्रवार.
27.10.2023.
शुभाशुभ विचार- क्षयतिथि
आज विशेष- सामान्य दिवस.
राहू काळ – सकाळी 10.30 ते 12.00.
दिशा शूल – पश्चिमेस असेल.
आजचे नक्षत्र – उत्तरा भाद्रपदा 9.25 पर्यंत नंतर रेवती.
चंद्र राशी – मीन.
————————————
मेष ( शुभ रंग- जांभळा )
भावनेच्या घरात कोणालाही कसलीही वचने देऊ नका. दानधर्म करतानाही आधी आपली शिल्लक तपासून घ्या. आज आर्थिक व्यवहारात सावध असणे अत्यंत गरजेचे आहे.
वृषभ (शुभ रंग- निळा )
आज नोकरी व्यवसायात तुमच्यासाठी अनुकूल वातावरण असेल. नोकरीच्या ठिकाणी सहकारी तुमच्या प्रभावात असतील. अधिकाराचा गैरवापर टाळून आज कर्तव्यास प्राधान्य द्या.
मिथुन ( शुभ रंग- हिरवा )
आज नोकरीच्या ठिकाणी वरिष्ठ तुमच्या कामाची प्रशंसा करतील. तुमच्या अधिकारात वृद्धी होईल. एखादी वाढीव जबाबदारी ही स्वीकारावी लागेल. विरोधकही आज मैत्रीचा हात पुढे करतील.
कर्क (शुभ रंग- आकाशी)
आज तुम्हाला हातचे सोडून पळत्या मागे धावायचा मोह होईल, पण तसे करू नका. प्रलोभने टाळायला हवी. स्वतःवर संयम असू द्या. नोकरी धंद्यात काही मनाविरुद्ध घटना मनास बेचैन करतील.
सिंह (शुभ रंग- राखाडी )
आजचा दिवस उद्योग व्यवसायाच्या दृष्टीने तितकासा अनुकूल नाही. मोठे आर्थिक व्यवहार उद्यावरच ढकललेले बरे. ज्येष्ठ मंडळींनी मनःशांती साठी सत्संगाकडेच वळावे.
कन्या ( शुभ रंग- स्ट्रॉबेरी)
सगळी महत्त्वाची कामे आज दिवसाच्या पूर्वार्धातच उरकून घ्या. संध्याकाळी आर्थिक व्यवहार जपूनच करा. व्यवसायात भागीदारांशी सामंजस्याचे वातावरण राहील.
तूळ ( शुभ रंग- भगवा)
नोकरदारांवर वरिष्ठांची कृपादृष्टी राहील. आज तब्येत थोडी नरमच असेल. जुनी दुखणी मात्र अंगावर काढू नका. पती-पत्नी मधील मतभेद फर न ताणता सुसंवादाने सुटू शकतात.
वृश्चिक (शुभ रंग- क्रीम)
तुमच्या प्रामाणिक मेहनतीस नशिबाची ही उत्तम साथ मिळेल. आज काही बिकट समस्या चुटकी सरशी सुटतील. प्रेमाच्या हाकेस प्रतिसाद मिळेल. उत्साह पूर्ण दिवस
धनु (शुभ रंग-सोनेरी)
मंदावलेल्या व्यापार उद्योगास चांगली गती येईल महत्त्वाच्या चर्चेत तुम्ही आपल्या मतावर ठाम राहाल. स्थावर मालमत्ता खरेदी विक्री आज फायद्यात राहील. विद्यार्थी मनापासून मेहनत घेतील.
मकर ( शुभ रंग- लाल )
नवीन व्यवसायात आपली कुवत ओळखूनच गुंतवणूक करा. घराबाहेर वावरताना रागावर ताबा ठेवायला हवा. लहान भावास कदाचित तुमच्या मदतीची गरज लागू शकते.
कुंभ (शुभ रंग – मरून)
तुमची काही येणी असतील तर दिवसाच्या पूर्वार्धात वसूल होऊ शकतील. नवीन व्यावसायिकांचा उत्साह वाढवणाऱ्या काही घटना घडतील. आज प्रवासाची दगदग शक्यतो टाळा.
मीन (शुभ रंग – निळा )
कार्यक्षेत्रातील तुमचे महत्त्व वाढेल. इतरांस न झेपणारी कामे सहजच पूर्ण कराल. व्यापाऱ्यांची आवक मुबलक राहील. तुमच्यातील मीपणा वाढण्याची शक्यता आहे.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424
