Vadgaon Maval : वडगाव मावळ लिगल प्रॅक्टीशनर्स असोसिएशनच्या अध्यक्षपदी अॅड. सोमनाथ पवळे यांची बिनविरोध निवड
एमपीसी न्यूज – वडगाव मावळ लिगल प्रॅक्टीशनर्स असोसिएशनच्या सन 2024-25 साठीच्या (Vadgaon Maval) अध्यक्षपदी अॅड. सोमनाथ सिताराम पवळे यांची सर्वानुमते बिनविरोध निवड करण्यात आली. वडगाव न्यायालयातील वकील बार रूम मध्ये विशेष सभेचे आयोजन करण्यात आले होते. या सभेमध्ये ही निवड करण्यात आली.
या बैठकीसाठी जेष्ठ विधिज्ञ अॅड एल.एम.कौशल, सल्लागार अॅड नामदेव दाभाडे, मार्गदर्शक अॅड रंजनाताई भोसले,अॅड एस एम मोरे, मा.अध्यक्ष धनंजय कोद्रे, मावळते अध्यक्ष अॅड दीपक. चौधरी, सचिव अॅड राम शहाणे,ऑडिट अजित वहिले आदी मान्यवरांसह अनेक वकील बंधू- भगिनी मोठ्या संख्येने उपस्थित होते.
Today’s Horoscope 22 January 2024 – जाणून घ्या आजचे राशिभविष्य
वडगाव मावळ दिनांक 20 जानेवारी, 2024-वडगाव न्यायालयातील वकीलांसाठी काम करणारी एक नामांकित संस्था म्हणून नावलौकिक असलेल्या वडगाव मावळ लिगल प्रॅक्टीशनर्स असोसिएशनच्या सन 2024-25 साठीच्या अध्यक्षपदी एक अभ्यासू वकील व समाजकार्याची विशेष आवड असलेले अॅड सोमनाथ सिताराम पवळे यांची सर्वानुमते बिनविरोध निवड करण्यात आली.
असोसिएशनचे मावळते अध्यक्ष अॅड दीपक चौधरी यांनी अध्यक्षपदाची सूत्रे आज अॅड पवळे यांचेकडे सोपवली. वडगाव न्यायालयाच्या वकील बार रूममध्ये असोसिएशनच्या विशेष बैठकीचे आयोजन करण्यात आले. असोसिएशनच्या नूतन कार्यकारिणीची निवड व पदग्रहण सोहळ्याचे आयोजन यावेळी करण्यात आले.