आता ‘न्यू लूक’मधील एमपीसी न्यूज पोर्टल आपल्या सेवेत

पुणे व पिंपरी-चिंचवड परिसरातील ताज्या घडामोडींच्या सर्वांत जलद आणि विश्वासार्ह बातम्या देणारे न्यूज पोर्टल अशी अल्पावधीत ख्याती मिळविलेले एमपीसी न्यूज डॉट इन हे शहरातील पहिले न्यूज पोर्टल आहे. गेली नऊ वर्षे हे न्यूज पोर्टल आपणास वृत्तसेवा उपलब्ध करून देत आहे. काळानुरूप त्यात वेळोवेळी बदल करण्यात येतात. त्याचाच एक भाग म्हणून एमपीसी न्यूज डॉट इनची डिझाईन बदलण्यात आली असून त्याला अधिक आकर्षक व दर्शकांना वापरण्यास अधिक सोपे करण्याचा प्रयत्न करण्यात आला आहे. नवीन मांडणीत मोठी व आकर्षक छायाचित्रांना प्राधान्य देण्यात आले आहे. त्यामुळे एकाच वेळी दर्शकांना त्यांच्या पसंतीच्या  जास्तीत जास्त बातम्या मुख्य पानावर पहायला मिळणार आहेत. आतील पानाची मांडणीही अधिक उठावदार पद्धतीने कऱण्यात आली आहे.