Alandi : पिस्टल व काडतुसासह तरुणाला अटक
एमपीसी न्यूज – देशी बनावटीचे पिस्तूल व जिवंत काडतुसासह तरुणाला आळंदी पोलिसांनी (Alandi) अटक केली आहे. ही कारवाई शुक्रवारी (दि.17) सकाळी आळंदी येथे केली.
ब्रह्मदेव माधव लटपटे ( वय 22 रा.आळंदी) असे अटक आरोपीचे नाव आहे. या प्रकरणी पोलीस शिपाई बाळासाहेब विष्णू खेडकर यांनी आळंदी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी हा आळंदी येथील केळगाव येथे शस्त्रासह आरोपी थांबला होता. पोलिसांनी त्याला (Alandi) ताब्यात घेतले असता त्याच्याकडून 30 हजार रुपयांचे देशी बनावटीचे पिस्टल व 500 रुपयाचे जिवंत काडतुस असा एकूण 30 हजार 500 रुपयांचा ऐवज जप्त केला आहे . आळंदी पोलीस पुढील तपास करत आहेत.