Bhosari news: भोसरीतील ‘या’ भागातील पाणीपुरवठा गुरुवारी, शुक्रवारी विस्कळीत राहणार
एमपीसी न्यूज – पिंपरी-चिंचवड महापालिका पाणीपुरवठा विभागाच्या ‘क’ व ‘ई’ क्षेत्रीय कार्यालयाअंतर्गत मुख्य जलवाहिनीच्या देखभाल दुरूस्तीची कामे हाती घेण्यात येणार आहेत. त्यामुळे गुरुवार (दि.15) आणि शुक्रवार (दि.16) भोसरीतील काही भागातील पाणीपुरवठा विस्कळीत राहणार आहे.
महापालिकेच्या पाणीपुरवठा विभागाच्या ‘क’ व ‘ई’ क्षेत्रीय कार्यालयाअंतर्गत मुख्य जलवाहिनीच्या देखभाल दुरूस्तीची कामे हाती घेणे आवश्यक आहे. त्यामुळे गुरूवार (दि.15) पालिकेमार्फत होणा-या सकाळ नंतरच्या पाणीपुरवठ्याची यंत्रणा बंद ठेवण्यात येणार आहे. गुरुवारी सकाळी 9 वाजेपर्यंतचा पाणीपुरवठा करण्यात येईल.
त्यानंतर दुरूस्तीच्या कामामुळे ‘क’ व ‘ई’ क्षेत्रीय कार्यालयाअंतर्गत WD4 (भाग :मोशी, डुडुळगाव ,च-होली, वडमुखवाडी इ.) इंद्रायणीनगर, भोसरी, संत तुकारामनगर दिघी मॅगझीन या टाक्यांवरून होणारा पाणीपुरवठा बंद राहील.
दुरूस्तीच्या कामासाठी सर्व पाणीपुरवठ्याची यंत्रणा बंद ठेवल्यामुळे या टाक्यांवरून होणा-या भागात दुस-या दिवशी म्हणजेच शुक्रवार (दि. 16) होणारा पाणीपुरवठा अनियमित कमी दाबाने होण्याची शक्यता आहे.
त्यामुळे नागरिकांनी उपलब्ध पाण्याचा पुरेसा साठा करून काटकसरीने वापर करण्याचे आवाहन पालिकेने केले आहे.
