Khadakwasala Dam : पुणेकरांसाठी दिलासादायक बातमी, धरणसाखळीतील पाणीसाठा तीन टीएमसी वर
एमपीसी न्यूज – यंदा पाऊस लांबल्याने पुणे शहरात पाणी कपात लागू करण्यात आली आहे. त्यानुसार सोमवारपासून पुण्यात एक दिवसाआड पाणीपुरवठा सुरू आहे. अशा परिस्थितीत पुणेकरांना दिलासा देणारी बातमी समोर आली आहे. मागील बारा तासात पुणे शहराला पाणीपुरवठा करणाऱ्या खडकवासला धरण साखळीत जोरदार पाऊस झाला आहे. त्यामुळे पानशेत, वरसगाव, टेमघर आणि खडकवासला (Khadakwasala Dam) या चारही धरणात एकूण 2.96 टीएमसी इतका पाणीसाठा झाला आहे.
या चारही धरणातील पाणीसाठा 2.51 टीएमसी इतका खाली आला होता. मात्र मागील दोन दिवसांपासून पुणे जिल्ह्यात संततधार पाऊस सुरू आहे. याशिवाय सोमवारी रात्री देखील धरणाच्या पाणलोट क्षेत्रात जोरदार पाऊस झाल्याने या चारही धरणातील पाणीसाठ्यात वाढ झाली आहे. या चारही धरणात एकूण 2.96 टीएमसी इतका पाणीसाठा झाल्याची माहिती पाटबंधारे विभागाने दिली आहे.
Pavana Dam : पाणीकपात टळणार, धरण परिसरात पावसाचा जोर वाढला