Kondhwa : भरधाव कारने दुचाकीला धडक दिल्याने पाच वर्षांच्या मुलीचा मृत्यू
एमपीसी न्यूज -कोंढवा भागातील वडाची वाडी परिसरात भरधाव कारने दुचाकीला धडक दिल्याने पाच वर्षांच्या ( Kondhwa ) मुलीचा मृत्यू झाल्याची घटना घडली. अपघातात दुचाकीस्वार वडील जखमी झाले आहेत.या प्रकरणी मोटारचालकाविरुद्ध कोंढवा पोलिसांनी गुन्हा दाखल केला आहे.
गाथा इंद्रजीत यादव (वय 5) असे मृत्युमुखी पडलेल्या मुलीचे नाव आहे. अपघातात दुचाकीस्वार इंद्रजीत बंडोपंत यादव (वय 39, रा. ॲरोनेस्ट सोसायटी, वडाचीवाडी ) जखमी झाले आहेत. या प्रकरणी मोटारचालकाविरुद्ध गुन्हा दाखल करण्यात आला आहे. अरुण जालिंदर मांढरे (वय32, रा. वडाचीवाडी, उंड्री, कोंढवा) यांनी या संदर्भात कोंढवा पोलीस ठाण्यात फिर्याद दिली आहे.
Pune : आयुर्विमा पॉलिसी मुदतबाह्य झाल्याची बतावणी करत ज्येष्ठ नागरिकाची 89 लाखांची फसवणूक
पोलिसांनी दिलेल्या माहितीनुसार, इंद्रजीत यादव हे ग्रामसेवक आहेत. यादव आणि त्यांची पाच वर्षांची मुलगी गाथा दुचाकीवरुन निघाले होते. काळुबाई मंदिरासमोर भरधाव मोटारीने दुचाकीला धडक दिली. अपघातात दुचाकीस्वार यादव आणि त्यांची मुलगी गाथा यांना गंभीर दुखापत झाली. उपचारादरम्यान गाथाचा रुग्णालयात मृत्यू झाला. पसार झालेल्या मोटारचालकाचा पोलिसांकडून शोध घेण्यात येत ( Kondhwa ) आहे.
