Marketyard : वकिलाने केला पोलिसांवर हल्ला; वकिलाला अटक
एमपीसी न्यूज : पुण्यामध्ये वकिलानेच पोलिसांवर हात (Marketyard) उचलल्याची धक्कादायक घटना घडली आहे. चक्क एका वकिलाने सहाय्यक पोलीस निरीक्षकाला मारहाण केल्याची घटना घडली. ही घटना मार्केटयार्ड येथे घडली. इतकेच नव्हे तर मुठीतल्या चावीने पोलिसांनी मारल्याचे समोर आले आहे. यामध्ये पोलीस जखमी झाले असून प्रतीक अंकुश तावरे या वकिलाने ही मारहाण केली आहे.
मार्केटयार्डमध्ये बुराणी कॉलनीत झालेली भांडणे सोडवण्यासाठी पोलीस निरीक्षक मदन कांबळे गेले होते. यावेळी प्रतीक तावरे हा हर्षल लाहोटे या शेजाऱ्याला शिवीगाळ करत होता. त्या भांडणामध्ये मदन कांबळे समजावत असताना प्रतीक याने कांबळे यांच्यावर हल्ला केला. कांबळे यांच्या फिर्यादीवरून प्रतीक याला अटक केली आहे.
