Maval Corona Update : मावळात आज 17 पॉझिटिव्ह; 18 जणांना डिस्चार्ज

एमपीसीन्यूज : मावळ तालुक्यात दिवसेंदिवस रुग्ण संख्या कमी जास्त होत आहे. तालुक्यात शनिवारी (दि.7) 17 रुग्णांचे चाचणी अहवाल पॉझिटिव्ह आले आहेत. तर दिवसभरात 18 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. आतापर्यंत 212 मृत्यू झाले आहेत.

लोणावळा नगरपरिषद हद्दीत आज एकही रुग्ण सापडला नाही. सध्या रुग्णालयात 94 रुग्ण उपचार घेत आहेत. तालुक्यातील कोरोनाबाधितांची एकूण संख्या 7521 झाली आहे. तर दिवसभरात 18 जणांना डिस्चार्ज देण्यात आला आहे. शनिवारी आढळलेल्या कोरोना रुग्णांमध्ये 8 रुग्ण शहरी भागात तर 9 रुग्ण ग्रामीण भागात सापडले.

ग्रामीण भागात नवलाख उंब्रे व इंदोरी प्रत्येकी 1, शिरगांव व सोमाटणे प्रत्येकी दोन तर तळेगाव दाभाडे (ग्रामीण) 3 असे एकूण 9 रुग्ण सापडले. शहरी भागात लोणावळा नगरपरिषद हद्दीत एकही कोरोना रुग्ण सापडला नाही.

तळेगाव दाभाडे नगरपरिषद हद्दीत 7 व वडगाव नगरपंचायत हद्दीत 1 असे एकूण 8 रुग्ण सापडले. 94 रुग्ण सक्रिय आहेत. 7215 जणांना आतापर्यंत डिस्चार्ज देण्यात आला आहे.

मावळ तालुक्यात आज एकही मृत्यू झाला नाही. आतापर्यंत 212 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक 2190, लोणावळा नगरपरिषद हद्दीत 1492 व वडगाव नगरपंचायत हद्दीत 517 रुग्ण सापडले आहेत.

शहरी भागात 4199 रुग्ण तर ग्रामीण भागात 3322 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहरे व कोविड समन्वयक डॉ. गुणेश बागडे यांनी माहिती दिली.