NCP : राष्ट्रवादी काँग्रेस पक्ष अजित पवार गटाचा ; राष्ट्रवादी काँग्रेस आमदार अपात्रता प्रकरणाचा निकाल जाहीर
एमपीसी न्यूज – राष्ट्रवादी काँग्रेस आमदार अपात्रता प्रकरणात विधानसभा ( NCP) अध्यक्ष राहुल नार्वेकर आज निकाल जाहीर केला. राष्ट्रवादी काँग्रेस पक्ष अजित पवार गटाचा आहे असा निकाल राहुल नार्वेकर यांनी दिला. विधिमंडळ गटात अजित पवार यांचं पाठबळ जास्त असल्यामुळे असा निकाल दिल्याचं विधानसभा अध्यक्षांनी स्पष्ट केलं. तसेच अजित पवार गटाचे आमदार पात्र ठरल्याचंही त्यांनी जाहीर केलं.
Pune : यशस्वी होण्यासाठी सातत्याने कार्यरत राहणे गरजेचे – अभिनेते देवेंद्र गायकवाड
अजित पवार केवळ सरकारमधून, पक्षातून बाहेर पडले आणि त्यांनी राष्ट्रवादी काँग्रेस पक्षावरच दावा केला. पक्षात शरद पवारांचा गट आणि अजित पवारांचा गट अशी फूट पडली. त्यानंतर हा वाद निवडणूक आयोग आणि विधानसभा अध्यक्षांसमोर गेला. निवडणूक आयोगाने नुकताच निकाल देऊन अजित पवार यांना पक्षाचे अध्यक्ष असल्याचं जाहीर केलं. त्यानंतर आज विधानसभा अध्यक्षांनी निकाल दिला.
पक्ष कार्यकारिणीतील बहुतेक सदस्य जरी शरद पवार यांना पाठिंबा देत असले तरी त्यांची नेमणूक पक्षाच्या घटनेला धरुन झालेली नाही. त्यामुळे तिचा विचार करता येत नाही. पक्षाची रचना आणि कार्यकारिणी यावरुन निर्णय घेता येत नसल्यामुळे विधिमंडळ पक्षाचा पाठिंबा कोणाला आहे याचा विचार करावा लागेल.
विधानसभेत 53 पैकी 42 सदस्यांचा अजित पवार यांना पाठिंबा आहे. यासंदर्भात अजित पवार गटाने सादर केलेल्या दस्तावेजाला शरद पवार गटाने आव्हान दिलेले नाही. त्यामुळे बहुतांश सदस्यांचा अजित पवारांना पाठिंबा असल्याचं सिद्ध होतं. त्यामुळेच पक्षाचे तेच नेते आहेत असा निष्कर्ष निघतो, असे राहुल नार्वेकर ( NCP) सांगितले.
