Pimpri News: महापालिका पाणीपुरवठा विभागाचे सहशहर अभियंता प्रवीण लडकत सेवानिवृत्त

एमपीसी न्यूज – पिंपरी-चिंचवड महापालिकेच्या पाणीपुरवठा विभागाचे सहशहर अभियंता प्रवीण लडकत सेवानिवृत्त झाले. महापौर उषा ढोरे यांच्याहस्ते त्यांचा सत्कार करण्यात आला.

पिंपरी-चिंचवड महानगरपालिकेच्या वतीने माहे फेब्रुवारी 2022 अखेर सेवानिवृत्त व स्वेच्छानिवृत्त होणा-या कर्मचा-यांचा सत्कार महापौर ढोरे यांच्या हस्ते करण्यात आला. नगरसेवक केशव घोळवे, उपआयुक्त चंद्रकांत इंदलकर, कामगार कल्याण अधिकारी प्रमोद जगताप, जनसंपर्क विभागाचे प्रफुल्ल पुराणिक तसेच सेवानिवृत्त कर्मचा-यांचे नातेवाईक उपस्थित होते.

माहे फेब्रुवारी 2022 मध्ये नियत वयोमानानुसार सेवानिवृत्त होणा-या कर्मचा-यांमध्ये सहशहर अभियंता प्रवीण लडकत, मुख्याध्यापक संध्या गवळी, अनिता बगाटे, मंगल काळे, उपअभियंता स्थापत्य भाऊसाहेब साबळे, सहाय्यक शिक्षक पंढरीनाथ जरांडे, क्रीडा शिक्षक देवेंद्र घोडके, गटनिर्देशक सुनील मोरे, उपशिक्षक माधुरी जाधव, छाया गायकवाड, वाहनचालक बस्सीर तांबोळी, रखवालदार अंकुश पवार, मजूर दीपक गागडे, सफाई सेवक कमलेश ककरोठी, गटरकुली प्रकाश कांबळे यांचा समावेश आहे. तर स्वेच्छानिवृत्त घेतलेल्या कर्मचा-या॑मध्ये कार्यालयीन अधिक्षक साहेबराव साळुंके, मुकादम रविंद्र गायकवाड, शिपाई अजित शितोळे, स्प्रे कुली लक्ष्मण राऊत, सफाई कामगार मिलिंद गायकवाड, सफाई सेवक गोपाल घारू, कचरा कुली सुरेश जगताप यांचा समावेश आहे.