Pune Corona Update : शहरात नवे 373 रुग्ण, 350 कोरोनामुक्त रुग्णांना डिस्चार्ज !
एमपीसी न्यूज : पुणे शहरात आज दिवसभरात नव्याने केवळ 373 कोरोना रुग्ण आढळले. 350 कोरोनामुक्त रुग्णांना घरी सोडण्यात आले आहे. तर ॲक्टिव्ह रुग्णांची संख्या 5 हजार 612 इतकी आल्यामुळे संसर्ग दर घटत आहे.
आत्तापर्यंत 1 लाख 51 हजार 495 कोरोनामुक्त रुग्णांना डिस्चार्ज दिला गेला आहे. त्यामधील एकूण 576 रुग्णांची स्थिती गंभीर असून 331 जण व्हेंटिलेटरवर उपचार घेत आहेत. दिवसभरात 16 रुग्णांचा मृत्यू झाला त्यापैकी 5 रुग्ण पुण्याबाहेरील होते, अशी माहिती पुणे महापालिकेच्या आरोग्य विभागाकडून देण्यात आली.
दरम्यान, शहर आणि उपनगरातील क्षेत्रीय कार्यालय स्तरावर ‘माझे कुटुंब माझी जबाबदारी’ मोहीमे अंतर्गत घरोघरी जाऊन नागरिकांची तपासणी आरोग्य विभागाच्या पथकांद्वारे केली जात आहे. तरीही नागरीकांनी मास्क, हँड सॅनिटायजर आणि सोशल डिस्टंन्सिग नियमांचे पालन करावे.
तसेच सौम्य ते तीव्र लक्षणे आढळल्यास तातडीने अँटीजेन, स्वॅब टेस्टींग करून खबरदारी घ्यावी. तसेच नजिकच्या डॉक्टरकडून औषधोपचार सुरू करण्याचे आवाहन महापालिका प्रशासनाकडून केले जात आहे.
