Pune News : पुण्यात ‘उद्यापासून राज्यस्तरीय आर्टिस्टीक जिम्नॅस्टिक्स स्पर्धा

या स्पर्धेतूनच दिनांक ८ ते १० मे यादरम्यान अंबाला, हरियाणा येथे होणार्या वरिष्ठ गटाच्या राष्ट्रीय स्पर्धेसाठी महाराष्ट्राचा संघ निवडला जाणार आहे. या स्पर्धेत मुलांच्या कनिष्ठ गटात दक्षिण मध्य आशियाई स्पर्धेत पदक मिळवणारा ठाण्याचा ओंकार शिंदे आणि मुंबईचा मानस करंदीकर तसेच वरिष्ठ गटात क्रीडा प्रबोधिनीचा गणेश नवले हे आपले कौशल्य सादर करणार आहेत.

मुलींच्या वरिष्ठ गटात नुकत्याच जपान येथे पार पडलेल्या जागतिक अजिंक्यपद स्पर्धेत सहभागी झालेली ठाण्याची श्रद्धा तळेकर, आंतरराष्ट्रीय खेळाडू वैदेही देऊळकर आणि साईची सिद्धी हत्तेकर ही चित्तथरारक कौशल्य सादर करणार आहेत. सदर स्पर्धेचे उद्घाटन महाराष्ट्र हौशी जिम्नॅस्टिक्स संघटनेचे अध्यक्ष संजय शेटे तसेच पिंपरी चिंचवड जिम्नॅस्टिक्स संघटनेचे अध्यक्ष संजय मंगोडेकर यांच्या हस्ते होणार आहे.

या प्रसंगी महाराष्ट्र हौशी जिम्नॅस्टिक्स संघटनेचे सचिव डॉ. मकरंद जोशी, पिंपरी चिंचवड जिम्नॅस्टिक्स संघटनेचे सचिव संजय शेलार हे उपस्थित असणार आहेत.स्पर्धेस क्रीडा व युवक सेवा संचालनालय आयुक्त ओमप्रकाश बकोरीया हे भेट देणार आहेत. या स्पर्धेसाठी साईचे वरिष्ठ प्रशिक्षक रामकृष्ण लोखंडे हे स्पर्धा प्रमुख म्हणून काम पाहणार आहेत तर  प्रवीण ढगे व संजीवनी पूर्णपात्रे ते तांत्रिक समिती प्रमुख असणार आहेत. राज्य शासनाच्या क्रीडा विभागाने स्पर्धा निरीक्षक म्हणून योगेश शिर्के यांची  निवड केली आहे.