Today’s Horoscope 15 February 2021 : जाणून घ्या आजचे राशीफळ
एमपीसी न्यूज - आजचे पंचांग – वार – सोमवार, दि. 15 फेब्रुवारी 2021
- शुभाशुभ विचार — 15.00 पर्यंत चांगला दिवस.
- आज विशेष – श्री गणेश जयंती.
- राहू काळ – सकाळी 7.30 ते 9.00.
- दिशा शूल – पूर्वेस असेल.
- आजचे नक्षत्र – उत्तराभाद्रपदा 18.29 पर्यंत नंतर रेवती.
- चंद्र राशी – मीन.
आजचे राशीभविष्य
मेष – ( शुभ रंग – पिस्ता )
काम धंद्यात काही अनपेक्षित अडचणी येण्याची शक्यता आहे. घरातील वडीलधारी मंडळी आज आपलेच खरे करतील. मोठ्या आर्थिक उलाढाली आज नकोत.
वृषभ – (शुभ रंग- जांभळा)
आज पूर्वीच्या कष्टांचे फळ पदरात पडण्याचा दिवस आहे. जीवलग मित्रांकडून अपेक्षित सहकार्य मिळेल. आज वैवाहिक जीवनात खेळीमेळीचे वातावरण राहील.
मिथुन – ( शुभ रंग- मोरपिशी)
आपल्या सडेतोड बोलण्याच्या वृत्तीमुळे हितसंबंधात कटुता येण्याची शक्यता आहे. घराबाहेर वावरतांना डोके थंड व वाणीत गोडवा ठेवलात तर अनेक कामे सोपी होतील.
कर्क – ( शुभ रंग -डाळिबी)
कार्यक्षेत्रात काही मनाविरुद्ध घटना मनास बेचैन करतील. थोडा संयम ठेवा. गृहिणींना अति श्रमामुळे थकवा जाणवेल. भक्तीमार्गात असणार्‍यांना एखादी प्रचिती येईल.
सिंह – ( शुभ रंग- सोनेरी)
कमी कष्टात जास्त लाभाच्या मोहाने निराशाच पदरी पडेल. काही मानापमानाच्या प्रसंगांना तोंड द्यावे लागू शकते. महत्वाच्या चर्चा बैठकी आज टाळल्यात तर बरे होईल.
कन्या – ( शुभ रंग- चंदेरी)
आजचा दिवस धावपळीत जाईल. एखाद्या अनुकूल घटनेने तुमचा आत्मविश्वास वाढेल. दूरच्या प्रवासात थोडा खोळंबा होईल. मामा मावशी यांच्याकडून काही सुवार्ता येतील.
तूळ – (शुभ रंग- गुलाबी)
दैनंदिन कामे आज सुरळीत पार पडतील. गरजेइतका पैसाही उपलब्ध होईल. प्रेम प्रकरणे मात्र डोक्याला मनस्ताप देतील. वैवाहिक जीवनात जोडीदाराच्या चुका काढू नका.
वृश्चिक – ( शुभ रंग- राखाडी)
कौटुंबिक वातावरण अत्यंत उत्साही राहील. गृहिणी आपल्या आवडत्या छंदास आवर्जून वेळ देतील. रुग्ण ठणठणीत बरे होतील. उच्चशिक्षितांच्या महत्वाकांक्षा वाढतील.
धनु – ( शुभ रंग- क्रीम)
वास्तु किंवा वाहन खरेदीसाठी कर्ज मंजूर होईल. आज तुम्ही जरा मुलांच्या तब्येतीकडे लक्ष देणे गरजेचे आहे. वास्तुमध्ये एखादे धार्मिक करण्याचे बेत आखाल.
मकर – (शुभ रंग – स्ट्रॉबेरी)
कार्यक्षेत्रात हितशत्रूंच्या उपद्रव वाढणार आहे. बिनचूक काम करण्यास प्राधान्य द्यावे. तरुणांनी व्यसनांपासून दूर राहणे गरजेचे आहे कुसंगत टाळावी.
कुंभ – (शुभ रंग- मोतिया)
आज सर्व दृष्टीने अनुकूल असा दिवस असून दैनंदिन कामे विना व्यत्यय पार पडतील. नव्या ओळखीतून व्यवसायवृद्धी होईल. संध्याकाळी सहकुटुंब चैन कराल.
मीन – ( शुभ रंग- मरून)
आज मित्रपरिवारात व आप्तस्वकीय मंडळीत तुमच्या शब्दाचा मान राहील. परंतु भावनेच्या भरात मात्र कुणाला शब्द देऊ नका. एखाद्या विवाह सोहळ्यात उपावरांना आशेचा किरण दिसेल.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
