Today’s Horoscope 15 March 2021 : जाणून घ्या आजचे राशीफळ
एमपीसी न्यूज - आजचे पंचांग. वार – सोमवार 15 मार्च 2021
- शुभाशुभ विचार – शुभ दिवस.
- आज विशेष – सामान्य दिवस.
- राहू काळ – सकाळी 7.30 ते 9.00.
- दिशा शूल – पूर्वेस असेल.
- आजचे नक्षत्र – रेवती.
- चंद्र राशी – मीन.
आजचे राशीभविष्य
मेष – (शुभ रंग – राखाडी)
आज तुमचे मन काहीसे चंचल राहील, हातचे सोडून मृगजळामागे धावण्याचा मोह होईल, पण तसे न करणे हिताचे राहील. बरेच दिवसांनी काही दूरचे नातलग संपर्कात येतील.
वृषभ – (शुभ रंग- मरून)
योग्य वेळी घेतलेल्या निर्णयांचे चीज होईल व्यवसायात आवक मनाजोगती असेल. पैशाअभावी रखडलेली कामे मार्गी लावू शकाल. मित्रमंडळीत मोठेपणा मिळेल. कार्यक्षेत्रात आपले महत्त्व सिद्ध करता येईल.
मिथुन – ( शुभ रंग – सोनेरी)
आज तुम्हाला वाढत्या जबाबदाऱ्यांचे दडपण येण्याची शक्यता आहे. बेकायदेशीर कृत्य अंगाशी येऊ शकतात. आज मित्रांच्या फार नादी लागू नका, फक्त स्वतःच्याच भल्याचा विचार करा.
कर्क – ( शुभ रंग – चंदेरी)
आज कष्टांच्या प्रमाणात मोबदला कमी असेल. काही कामे आज निस्वार्थीपणे करावी लागणार आहेत. आज तुमचे मानसिक संतुलन बिघडवणारे काही प्रसंग घडतील.
सिंह- ( शुभ रंग – गुलाबी)
कसलेही नवे उपक्रम सुरू करायचे असतील तर आजचा दिवस योग्य नाही. आज कष्टांचा हि अतिरेक टाळा. सर सलामत तो पगडी पचास हे लक्षात ठेवा, महत्वाच्या चर्चा व बैठकी आज टाळल्यात तर बर होईल.
कन्या – ( शुभ रंग – आकाशी)
धंद्यात आवक-जावक सारखीच राहील. नवे परिचय व्यवसाय वृद्धीच्या दृष्टीने फायदेशीर ठरतील वैवाहिक जीवनात जोडीदाराची मते विचारात घेणे गरजेचे आहे.
तूळ – ( शुभ रंग- सोनेरी)
अधिकारी वर्गाला हाताखालच्या माणसांशी जुळवून घ्यावे लागेल. काही जुनी येणी मागितली तर वसूल होण्याची शक्यता आहे. आज खेळाडूंचा स्पर्धेतील विजय नक्की
वृश्चिक – ( शुभ रंग- आकाशी)
मित्रांमध्ये केवळ मोठेपणा घेण्यासाठी काही न परवडणारा खर्च आज आपण कराल. मुलांच्या बाबतीत आज काही योग्य निर्णय घ्यावे लागणार आहेत.
धनु – ( शुभ रंग भगवा )
प्रॉपर्टी विषयी काही कामे रखडलेली असतील तर अशा कामांना चालना मिळेल. नवविवाहितांना बाळाच्या आगमनाची चाहूल लागेल. गृहिणींना मुलांच्या अभ्यासात डोकवावे लागणार आहे.
मकर – ( शुभ रंग- पिस्ता )
अधिकारी वर्गाने कोणत्याही कागदपत्रांवर सह्या करताना सतर्क राहावे. कोर्ट प्रकरणे कोर्टाबाहेर निपटून टाकणे हिताचे राहील. विद्यार्थ्यांना अभ्यास सोडून बाकी सर्व काही सुचेल.
कुंभ – ( शुभ रंग – मोरपंखी )
आज तुम्हाला विविध मार्गांनी आर्थिक लाभ होतील, व्यवसायात पूर्वी घेतलेले निर्णय अचुक ठरतील. ज्योतिषी असाल तर तुम्ही केलेली भाकीते खरी ठरतील. आशादायी दिवस.
मीन – ( शुभरंग- स्ट्रॉबेरी)
आज भावना व कर्तव्य यात तुमच्या मनाची ओढाताण होईल. काही साधे निर्णय घ्यायला ही तुम्हाला बराच वेळ लागेल. पत्नी म्हणेल त्याला हो म्हणून मोकळे व्हा.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
