• Bhausaheb_Bhoir.jpg
  • DPU1250x200.jpg
  • Mahesh_Landge.jpg
  • mpc.jpg
  • MPC_news.JPG
  • Nitin_Kalje.jpg
  • PCCO.jpg
  • Sunil_Shelke.jpg
23 Jul 2017

सहावी हुसेन अखिल भारतीय हॉकी स्पर्धा

एमपीसी न्यूज - कै. हुसेन नाबी शेख हॉकी अॅण्ड स्पोर्टस् फाऊंडेशनच्या वतीने आयोजित सहाव्या कै. हुसेन अखिल भारतीय हॉकी स्पर्धेत सेंट्रल रेल्वे, बीईजी आणि पीसीएमसी इलेव्हन या संघांनी आपापल्या गटातून उपांत्य फेरीतील आपले स्थान निश्‍चित केले.

पिंपरी येथील मेजर ध्यानचंद हॉकी स्टेडियम येथे सुरू असलेल्या या स्पर्धेत सेंट्रल रेल्वे(पुणे विभाग) संघाने एमएलआय, बेलगम संघाचा 5-4 असा संघर्षपूर्ण पराभव करून अंतिम 4 संघांमध्ये आपले स्थान मिळवले. सेंट्रल रेल्वे संघाकडून युवराज वाल्मिकी याने 3 तर, अनिकेत मुथय्या, राजेंद्र पवार यांनी एकेक गोल केले. एमएलआय, बेलगम संघाकडून धरेंधर लोहार याने 1 तर, विजय भंडारे याने 3 गोल केले.

जितेंद्र गवाणे याने केलेल्या दोन आणि शब्बीर शेख याच्या एक गोलाच्या जोरावर पीसीएमसी इलेव्हन संघाने स्पोर्टस् अ‍ॅथॉरीटी ऑफ गुजरात संघाचा 3-2 असा पराभव केला.
इन्कम टॅक्स् अॅण्ड सेंट्रल एक्साईझ आणि बीईजी संघातील सामना 4-4 असा बरोबरीत सुटला. पण सरस गुणांच्या आधारे बीईजी संघाने गोल फरकांच्या आधारे बीईजी संघाने उपांत्य फेरी गाठली.

स्पर्धेचा निकालः गटसाखळी फेरीः गट डः सेंट्रल रेल्वे (पुणे विभाग) 5 (अनिकेत मुथय्या 23 मि., राजेंद्र पवार 32 मि., युवराज वाल्मिकी 44, 60, 67 मि.) वि.वि. एमएलआय, बेलगमः 4 (धिरेंधर लोहार 26 मि., विजय भंडारे 36, 64, 67 मि.); हाफ टाईमः 2-1;

गट बः पीसीएमसी इलेव्हनः 3 (जितेंद्र गवाणे11, 15 मि., शब्बीर शेख 9 मि.) वि.वि. स्पोर्टस् अ‍ॅथॉरीटी ऑफ गुजरातः 2 (सुमित पाटूळ 41 मि., पंकज वाझा 43 मि.); हाफ टाईमः 2-0;

गट कः इन्कम टॅक्स अॅण्ड सेंट्रल एक्साईझः 4 (प्रिन्स् चौरसिया 18 मि., अशितोष लिंगेश 21, 34 मि., विक्रम डाबोळ 26 मि.) बरोबरी वि. बॉम्बे इंजिनिअरींग ग्रुप, खडकीः 4 (हिरोजीत सिंग 3 मि., सॅम कंडुल्ना 24, 59 मि., संजय टोप्पो 44 मि.); हाफ टाईमः 2-4;

23 Jul 2017

अभिजीत रानाडे, केतन चावला, अमोल अब्दागिरी यांचा चौथ्या फेरीत प्रवेश

दुसरी पीवायसी-ग्रीन बेझ खुल्या स्नुकर अजिंक्यपद स्पर्धा

एमपीसी न्यूज - पीवायसी हिंदू जिमखाना तर्फे आयोजित दुसर्‍या ‘राजाभाऊ शहाडे करंडक’ पीवायसी-ग्रीन बेझ खुल्या स्नुकर अजिंक्यपद स्पर्धेत अभिजीत रानाडे, केतन चावला, अमोल अब्दागिरी व रोहन सहानी यांनी आपापल्या प्रतिस्पर्धांचा संघर्षपूर्ण पराभव करून चौथी फेरी गाठली.

पीवायसी हिंदू जिमखाना येथे सुरू असलेल्या स्पर्धेत नाशिकच्या अभिजीत रानाडे याने पुण्याच्या अनुपम झा याचा 81(81)-18, 69-04, 42-63, 72-68 असा सरळ फ्रेममध्ये पराभव करून अंतिम 16 खेळाडूंमध्ये आपले स्थान पक्के केले. आपल्या विजयामध्ये अभिजीतने 81 गुणांचा बे्रकही नोंदविला. दुसर्‍या फेरीच्या सामन्यात विलाश उपशाम याचा 26-41, 75-27, 44-57, 63-15, 75(63)-01 असा संघर्षपूर्ण पराभव करून आगेकूच केली होती. निर्णायक फ्रेमपर्यंत रंगलेल्या या सामन्यात अभिजीतने 63 गुणांचा बे्रकही नोंदविला होता.
इंदौरच्या रोहन सहानी याने आज गतविजेता आणि मुंबईच्या अभिमन्यु गांधी याचा 57-46, 53-31, 65-37 असा सरळ फ्रेममध्ये पराभव करून सनसनाटी विजयाची नोंद केली. मुंबईच्या केतन चावला याने पीवायसीच्या मोहन जगताप याचा 65-09, 62-09, 59-25 असा पराभव करून आगेकूच केली. पुण्याच्या अमोल अब्दागिरी याने मुंबईच्या धैर्य भंडारी याचा 80-47, 67-28, 45-76, 74-21 असा पराभव करून चौथी फेरी गाठली.

स्पर्धेचा सविस्तर निकालः मुख्य ड्रॉः दुसरी फेरीः

योगेश शर्मा (पुना क्लब) वि.वि. अलतमश सैफी (अ‍ॅरीझोना) 61-50, 17-54, 66-48, 62-20;

आनंद रघुवंशी (पुणे) वि.वि. विवेक म्हेत्रे(पुणे) 59-25, 49-60, 77-58, 63-22;

महेश जगदाळे (मुंबई) वि.वि. मझहर ताहेरभॉय (टर्फ क्लब) 62-26, 6239, 65-39;

लियाकत शेख (सोलापूर) वि.वि. सतिश कराड (डेक्कन जिमखाना) 64-26, 57-19, 30-65, 49-31;

कैवल्य चव्हाण (सातारा) वि.वि. निलेश पाटणकर (ठाणे) 0-1, 79-51, 59-06, 73-34;

सुरज राठी (पुना क्लब) वि.वि. संतोष धर्माधिकारी (डेक्कन जिमखाना) 73-50, 60-43, 13-49, 61-47;

अभिजीत रानाडे (नाशिक) वि.वि. विलाश उपशाम (पुणे) 26-41, 75-27, 44-57, 63-15, 75(63)-01;

धैर्य भंडारी (मुंबई) वि.वि. आकाश पाडाळीकर (एपीज्) 102-09, 61-25, 76-40;

अमोल अब्दागिरी (पुणे) वि.वि. अदनान शेख (चिपळूण) 88-14, 19-47, 53-08, 64-08;

तिसरी फेरीः अभिजीत रानाडे (नाशिक) वि.वि. अनुपम झा (पुणे) 81(81)-18, 69-04, 42-63, 72-68;

केतन चावला (मुंबई) वि.वि. मोहन जगताप (पीवायसी) 65-09, 62-09, 59-25;

अमोल अब्दागिरी (पुणे) वि.वि. धैर्य भंडारी (मुंबई) 80-47, 67-28, 45-76, 74-21;

रोहन सहानी (इंदौर) वि.वि. अभिमन्यु गांधी (मुंबई) 57-46, 53-31, 65-37;

22 Jul 2017

सहावी हुसेन अखिल भारतीय हॉकी स्पर्धा

एमपीसी न्यूज - कै. हुसेन नाबी शेख हॉकी अॅण्ड स्पोर्टस् फाऊंडेशन आयोजित सहाव्या कै. हुसेन अखिल भारतीय हॉकी स्पर्धेत गुजरातच्या स्पोर्टस् अ‍ॅथॉरीटी ऑफ गुजरात, बेलगमच्या मराठा लाईट इन्फॅन्ट्री, मुंबईच्या इन्कम टॅक्स अॅण्ड सेन्ट्रल एक्साईझ या संघांनी आपापल्या प्रतिस्पर्धी संघांचा पराभव करून विजयी सलामी दिली.

पिंपरी येथील मेजर ध्यानचंद हॉकी स्टेडियम येथे सुरू असलेल्या या स्पर्धेत कर्णधार रूचित पटेल याने केलेल्या हॅट्रिक गोलांच्या जोरावर स्पोर्टस् अ‍ॅथॉरिटी ऑफ गुजरात संघाने औरंगाबादच्या आयान क्लबचा 5-4 असा पराभव केला. रूचितसह ध्रुवील पटेल व पौमिल अधारी यांनी प्रत्येकी एकेक गोल केले. कर्णधार अजितेश रॉय याने हॅट्रिक गोलांच्या जोरावर इन्कम टॅक्स अॅण्ड सेन्ट्रल एक्साईझ संघाने गुजरातच्या बीएसएफ संघाचा 6-3 असा सहज पराभव केला. अजितेश रॉय याने13 व्या, 37 व 58 व्या मिनिटाला गोल केले. प्रिन्स चौरासिया, आशिष चेट्टी व नितीन कुमार यांनी प्रत्येकी एक गोल करत संघाची आघाडी फुगवली. बीएसएफ, गुजरात संघाकडून अजित सोरेन, डॉलर के. व बीएस हेमरॉन यांनी एकेक गोल केले.

ड गटाच्या सामन्यात मध्य रेल्वे (पुणे विभाग) संघाने नागपूरच्या ध्यानचंद अ‍ॅकॅडमीचा 8-2 असा सहज पराभव केला. मध्य रेल्वेसंघाकडून युवराज वाल्मिकी व निझाम मोहम्मद यांनी प्रत्येकी 3 गोल केले. राजेंद्र पवार व विनीत कांबळे यांनी प्रत्येकी एकेक गोल करून संघाची आघाडी फुगवली. ध्यानचंद अ‍ॅकॅडमी संघाकडून शहाबाज खान व अकिब रहीम यांनी प्रत्येकी एकेक गोल केले. अ गटात भोपाळचा स्टेट बँक ऑफ इंडिया संघाने स्पर्धेतून आयत्या वेळेस माघार घेतल्याने पुण्याच्या क्रीडा प्रबोधिनी संघाला पुढे चाल देण्यात आली. यामुळे क्रीडा प्रबोधिनी संघाने उपांत्य फेरीतील आपले स्थान निश्‍चित केले आहे.

स्पर्धेचा निकालः गटसाखळी फेरीः गट बः स्पोर्टस् अ‍ॅथॉरीटी ऑफ गुजरातः 5 (ध्रुवील पटेल 22 मि., रूचित पटेल 26, 65, 68 मि., पौमिल अधारी 34 मि.) वि.वि. आयान क्लब, औरंगाबादः 4 (वासिम खान 4, 34 मि., अमन शेख 40 मि., इम्रान शेख 44 मि.); हाफ टाईमः 3-2;

गट कः इन्कम टॅक्स अॅण्ड सेन्ट्रल एक्साईझः 6 (अजितेश रॉय 13, 37, 58 मि., प्रिन्स चौरासिया 32 मि., आशिष चेट्टी 34 मि., नितीन कुमार 64 मि.) वि.वि. बीएसएफ, गुजरातः 3 (अजित सोरेन 41 मि., डॉलर के. 45 मि., बीएस हेमरॉन 51 मि.); हाफ टाईमः 3-0;

गट डः मराठा लाईट  इन्फॅन्ट्री, बेलगमः 5 (महेश शिंदे 10, 23 मि., सुनील कुमार 13, 31 मि., कालयन बेन्ग्रा 64 मि.) वि.वि. ध्यानचंद अ‍ॅकॅडमी, नागपूरः 2 (फाहीम सय्यद 6 मि., सुरज खान 66 मि.); हाफ टाईमः 4-1;

गट डः मध्य रेल्वे(पुणे विभाग) 8 (युवराज वाल्मिकी 4, 38, 50 मि., निझाम मोहम्मद 9, 40, 58 मि., राजेंद्र पवार 47 मि., विनीत कांबळे 57 मि.) वि.वि. ध्यानचंद अ‍ॅकॅडमी, नागपूरः 2 (शहाबाज खान 27 मि., अकिब रहीम 30 मि.); हाफ टाईमः 2-2;

21 Jul 2017


सहावी हुसेन अखिल भारतीय हॉकी स्पर्धा

एमपीसी न्यूज - कै. हुसेन नाबी शेख हॉकी अॅण्ड स्पोर्टस् फाऊंडेशनच्या वतीने आयोजित सहाव्या कै. हुसेन अखिल भारतीय हॉकी स्पर्धेत पुण्याच्या बीईजी-खडकी व क्रीडा प्रबोधिनी या दोन्ही संघांनी विजयी सलामी देत उद्घाटनाचा दिवस गाजवला.

पिंपरी येथील मेजर ध्यानचंद हॉकी स्टेडियम येथे आजपासून सुरू झालेल्या या स्पर्धेत क गटाच्या सामन्यात बीईजी, खडकी संघाने गुजरातच्या बीएसएफ संघाचा 4-0 असा सहज पराभव केला. बीईजी संघाकडून प्रताप शिंदे, संजय टोप्पो, लक्ष्मण खरे व अजित शिंदे यांनी प्रत्येकी एकेक गोल करून संघाच्या विजयात मोलाचा वाटा उचलला.

क गटाच्या सामन्यात क्रीडा प्रबोधिनी संघाने दणक्यात विजय मिळवला. क्रीडा प्रबोधिनी संघाने पुणे शहर पोलीस संघाचा 8-0 असा धुव्वा उडविला. अजिंक्य जाधव आणि राहूल शिंदे यांनी प्रत्येकी दोन तर, सुनील राठोड, रईस गुजावर, हरीश शिंदगी व कौशिक तांडेल यांनी प्रत्येकी एकेक गोल केले.

औरंगाबादच्या अयान क्लब आणि पीसीएमसी इलेव्हन संघातील सामना 2-2 असा बरोबरीत सुटला. पीसीएमसीच्या वृषभ आव्हाड याने पाचव्या मिनिटाला गोल करून संघाने खाते उघडले. अयान क्लबच्या अमन शेख याने 34 व्या मिनिटाला गोल करून 1-1 अशी बरोबरी मिळवली. पूर्वार्धात ही बरोबरी कायम होती. अयान संघाच्या इम्रान शेख याने 40 व्या मिनिटाला गोल करून 2-1 अशी आघाडी घेतली. अखेरच्या मिनिटांमध्ये पीसीएमसी इलेव्हनच्या राहूल रसाळ याने गोल करून 2-2 अशी बरोबरी निर्माण करून दिली.

स्पर्धेचे उद्घाटन जिल्हा क्रीडा अधिकारी विजय संतान व ऑलम्पिक खेळाडू विक्रम पिल्ले, राष्ट्रवादी काँग्रेस पक्षाचे युवा गटाचे अध्यक्ष तुषार वाकडकर यांच्या हस्ते झाले. यावेळी कै. हुसेन नाबी शेख हॉकी अॅण्ड स्पोर्टस् फाऊंडेशनचे संस्थापक-संचालक फिरोज शेख, फाऊंडेशनचे उपाध्यक्ष विभाकर तेलोरे, सचिव सादिक शेख व स्पर्धेचे सहसचिव अमित खराडे आदी मान्यवर उपस्थित होते.

स्पर्धेचा निकालः गटसाखळी फेरीः गट बः अयान क्लब, औरंगाबादः 2 (अमन शेख 34 मि., इम्रान शेख 40 मि.) बरोबरी वि. पीसीएमसी इलेव्हनः 2 (वृषभ आव्हाड 5 मि., राहूल रसाळ 52 मि.); हाफ टाईमः 1-1;

गट कः बीईजी, खडकीः 4 (प्रताप शिंदे 20 मि., संजय टोप्पो 57 मि., लक्ष्मण खरे 67 मि., अजित शिंदे 69 मि.) वि.वि. बीएसएफ, गुजरातः 0; हाफ टाईमः 1-0;

गट कः क्रीडा प्रबोधिनीः 8 (सुनील राठोड 2 मि., रईस गुजावर 3 मि., अजिंक्य जाधव 17, 59 मि., राहूल शिंदे 34, 37 मि., हरीश शिंदगी 46 मि., कौशिक तांडेल 68 मि.) वि.वि. पुणे शहर पोलिसः 0;

21 Jul 2017


दुसरी ‘राजाभाऊ शहाडे करंडक’ पीवायसी-ग्रीन बेझ खुल्या स्नुकर अजिंक्यपद स्पर्धा

एमपीसी न्यूज - पीवायसी हिंदू जिमखाना आयोजित दुसर्‍या ‘राजाभाऊ शहाडे करंडक’ पीवायसी-ग्रीन बेझ खुल्या स्नुकर अजिंक्यपद स्पर्धेत अभिमन्यू गांधी, मोहन जगताप, भरत सिसोडिया व कुमार शिंदे यांनी आपापल्या प्रतिस्पर्ध्यांचा पराभव करून तिसरी फेरी गाठली.

पीवायसी हिंदू जिमखाना येथे सुरू असलेल्या स्पर्धेत मुंबईच्या अभिमन्यू गांधी याने आपली विजयी घौडदौड कायम ठेवताना आज कॉर्नर पॉकेटच्या चिंतामणी जाधव याचा 62-26, 56-42, 121(89)-0 असा सहज पराभव केला. आपल्या या विजयात तिसर्‍या फ्रेममध्ये अभिमन्यू याने 89 गुणांचा ब्रेकही नोंदविला. स्पर्धेतील हा आत्तापर्यंतचा सर्वाधिक गुणांचा ब्रेक ठरला आहे.

यजमान पीवायसीच्या मोहन जगताप याने दुसर्‍या फेरीत अनपेक्षित निकालाची नोंद केली. मोहनने मुंबईच्या कार्तिकेय शर्माचा 56-54, 89(53)-00, 46-03 असा सहज पराभव केला. मोहनने दुसर्‍या फ्रेममध्ये 53 गुणांचा ब्रेकही नोंदवत सामन्यावर वर्चस्व गाजवले. पुना क्लबच्या कुमार शिंदे याने ऋषभ गोहील याचा 64-28, 67-48, 08-59, 52-51 असा पराभव करून तिसरी फेरी गाठली.

मध्यप्रदेशच्या भरत सिसोदीया याने सलग विजयांची नोंद केली. पहिल्या फेरीत भरत याने मुंबईच्या स्पर्श फेरवानी याचा 39-58, 55-19, 74-59, 71-31 असा पराभव केला. दुसर्‍या फेरीत भरतने पुण्याच्या वेदांत दोशी याचे आव्हान 76-24, 70-26, 48-64, 61-36 असे मोडून काढले व तिसरी फेरी गाठली.

पहिल्या फेरीच्या सामन्यात मध्यप्रदेशच्या आणि भारतीय कुमार क्र. 4 असलेल्या एमडी हुसेन याने पुण्याच्या अमरदीप घोडके याचा 81(75)-16, 45-67, 65-29, 73-18 असा पराभव करून विजयी सलामी दिली. हुसेनने आपल्या विजयात पहिल्या फ्रेममध्ये 75 गुणांचा ब्रेकही नोंदविला.

स्पर्धेचा सविस्तर निकालः मुख्य ड्रॉः पहिली फेरीः

प्रियांक जयस्वाल (मध्यप्रदेश) वि.वि. अजिंक्य स्वामी (पुणे) 73-16, 53-18, 29-49, 78-10;

शुभम रंधे (ठाणे) वि.वि. कुणाल रोकडे (पुणे) 49-15, 52-50, 68-40;


राहूल सचदेव (मुंबई) वि.वि. दिक्क्षांत ननावरे (पुणे) 67-34, 68-25, 67-08;

विरेन शर्मा (मध्यप्रदेश) वि.वि. महेश पायगुडे (पुणे) 83-44, 41-71, 52-42, 61-29;

भरत सिसोडीया (मध्यप्रदेश) वि.वि. स्पर्श फेरवानी (मुंबई) 39-58, 55-19, 74-59, 71-31;

रोहन सहानी (मध्यप्रदेश) वि.वि. एवाज सय्यद (पुणे) 53-29, 62-14, 27-48, 81-18;

निलेश पाठणकर (ठाणे) वि.वि. सौरभ अय्यगारी (पुणे) 51-22, 57-28, 52-50;

एमडी हुसेन (मध्यप्रदेश) वि.वि. अमरदीप घोडके (पुणे) 81(75)-16, 45-67, 65-29, 73-18;

दुसरी फेरीः अभिमन्यु गांधी (मुंबई) वि.वि. चिंतामणी जाधव (कॉर्नर पॉकेट) 62-26, 56-42, 121(89)-0;

अनुपम झा (पुणे) वि.वि. योगी मोरे (पुणे) 0-1, 64-71, 65-01, 58-12, 66-20;

मोहन जगताप (पीवायसी) वि.वि. कार्तिकेय शर्मा (मुंबई) 56-54, 89(53)-00, 46-03;

केतन चावला (मध्यप्रदेश) वि.वि. श्रीनिवास कशुरी (पुणे) 83-29, 60-31, 56-42;

कुमार शिंदे (पुना क्लब) वि.वि. ऋषभ गोहील (पुणे) 64-28, 67-48, 08-59, 52-51;

हिमांशु जैन (आंध्रप्रदेश) वि.वि. नरेश अहीर (न्यु क्लब) 19-52, 81-22, 62-22, 69-07;

गौरव जयसिंघानिया (वाशी) वि.वि. सिद्धेश मुळे (चिपळूण) 64-29, 45-44, 59-38;

भरत सिसोडिया (मध्यप्रदेश) वि.वि. वेदांत दोशी (आरसीबीसी) 76-24, 70-26, 48-64, 61-36;

21 Jul 2017

एमपीसी न्यूज - स्पोर्ट रिपब्लिक या कंपनीतर्फे आयोजित करण्यात आलेल्या खुल्या टेबल टेनिस लीगचा औपचारिक उदघाटन सोहळा काल (गुरुवार, दि. 20) प्राधिकरण येथील ज्ञानप्रबोधिनी शाळेच्या मनोहर सभागृहात पार पडला.

उदघाटन सोहळ्यासाठी प्रमुख पाहुणे म्हणून आकुर्डी येथील पी.सी.सी.ओ.ई. महाविद्यालयाचे शारीरिक शिक्षण आणि खेळाचे संचालक संतोष पाचारणे, ज्ञानप्रबोधिनीच्या निगडी केंद्राचे उपप्रमुख मनोज देवळेकर, स्पोर्टरीपब्लिक संस्थेचे संस्थापक श्रीराम कुंटे उपस्थित होते.

मानवाच्या जीवनात खेळाला अनन्यसाधारण महत्व आहे. मानसिक तणाव कमी करण्यासाठी तसेच शारीरिक दृष्ट्या तंदुरुस्त राहण्यासाठी कोणताही मैदानी खेळ खेळला पाहिजे. स्पोर्ट रिपब्लिक कंपनीतर्फे भविष्यात विविध खेळांच्या स्पर्धांचे आयोजन करण्यात यावे. अशी इच्छा संतोष पाचारणे यांनी व्यक्त केली.

अधिकाधिक महिला व पुरुषांनी खेळामध्ये सहभाग घ्यावा. कारण मुले पालकांचे अनुकरण करीत असतात. पालकांना खेळताना पाहून मुलांना देखील खेळामध्ये रस निर्माण होईल. खेळामुळे मुलांचे आरोग्य, शारीरिक तंदुरुस्ती आणि बौद्धिक चपळता वाढण्यास मदत होते. तसेच स्पर्धात्मक खेळातून मोठ्या प्रमाणात चांगले खेळाडू तयार होतील, असे निगडी केंद्राचे देवळेकर म्हणाले.

पाचारणे आणि देवळेकर यांनी प्रदर्शनीय टेबल टेनिस सामना खेळून स्पर्धेचे उदघाटन केले. इंटरनॅशनल स्टॅंडर्ड प्रमाणे खेळवल्या जाणा-या या लीगच्या पहिल्या दिवशी विद्यार्थी आणि पुरुष गटातले 3 सामने झाले. या लीग्स 15 ऑगस्ट पर्यंत सोमवार ते शुक्रवार संध्याकाळी 7 ते 9 या वेळेत होणार असून शनिवार आणि रविवारी सकाळी 9 ते संध्याकाळी 5 या वेळेत होणार आहेत.

कामाच्या आणि आयुष्यातल्या ताणांमुळे हसणंच विसरलेले लोक अनेक वर्षांनी जुने मित्र भेटल्यासारखे एकमेकांना भेटत होते. विद्यार्थी दशेतल्या खेळाच्या आठवणी जाग्या झाल्याने सभागृहात आनंदाचे वातावरण पसरले होते. 

स्पोर्ट रिपब्लिक आयोजित टेबल टेनिस स्पर्धेचे वेळापत्रक स्पर्धकांसाठी कंपनीच्या फेसबुक पेजवर लावण्यात आले आहे. लीगमध्ये सहभागी खेळाडूंना आपल्या सामन्यांबद्दल जाणून घेण्यासाठी https://www.facebook.com/SportRepublik-1073915216043952/ या फेसबुक पेजला भेट द्यावी लागणार आहे.

20 Jul 2017

एमपीसी न्यूज - नॅशनल इन्स्टिट्युट ऑफ ऑपथेलमॉलजी(एनआयओ) आणि रन बडिज क्लब यांच्या तर्फे एनआयओ व्हिजन मॅराथॉन स्पर्धेचे आयोजन करण्यात आले आहे. ही स्पर्धा रविवार, दि.23 जुलै रोजी होणार आहे. स्पर्धेत दोन हजारहून अधिक स्पर्धक सहभागी होणार असून यामध्ये 500 महिला सहभागी होणार आहेत.

पत्रकारपरिषदेत अधिक माहिती देताना एनआयओचे संचालक आणि पुण्यातील प्रमुख नेत्रतज्ञ डॉ.आदित्य केळकर आणि रन बडिज क्लबचे अरविंद बिजवे यांनी सांगितले की, टाळत्या येण्याजोग्या अंधत्वाविषयी जनजागृतीसाठी य मॅरॅथॉनचे आयोजन करण्यात आले आहे. आपल्यापैकी अनेकजण ग्लाकोमा किंवा मोतीबिंदू यांसारखे आजार होऊ शकतील अशा वयोगटात आहेत. यापैकी अनेक व्यक्तींना गेलेली दृष्टी परत येऊ शकत नाही. पण नियमितपणे डोळ्यांची तपासणी केल्यामुळे यातील कायमचा अंधत्वाचा धोका टाळता येतो असे ते म्हणाले.

एनआयओच्या माध्यमातून टाळता येण्यासारख्या अंधत्वाचे समाजातून निर्मूलन करण्यासाठी प्रयत्न करीत आहोत आणि त्यासाठी डोळ्यांची देखरेख व तपासणीचे आयोजन करीत आहोत. त्यादृष्टीने गेलेले अंधत्व पुन्हा मिळवण्यात येणारे अपयश टाळण्यासाठी पहिली पायरी म्हणून आम्ही डोळ्याच्या रूग्णांमध्ये जागृती निर्माण करीत आहोत. तसेच, त्यांना याविषयी मार्गदर्शन करण्याचा प्रयत्न करीत आहोत असे त्यांनी सांगितले.

रनबडिज्‌ क्लब या शहरांतील महत्वाच्या संस्थेने या स्पर्धेचे आयोजन करण्यात आले आहे. ही स्पर्धा 3कि.मी., 5कि.मी, 10कि.मी.आणि 21कि.मी.या प्रकारात होणार आहे. यामध्ये यापैकी कुठल्याही शर्यतीत तुम्ही एक साथीदार घेऊन डोळेबांधून धावू शकता किंवा अर्धे तुम्ही धावायचे आणि अर्धे तुमच्या साथीदाराने धावायचे अशा अनोख्या व नाविन्यपूर्ण संकल्पनेचा यात समावेश आहे.  तसेच, याशिवाय दृष्टिहीनांबरोबरही एक शर्यत आयोजित करण्यात आली आहे. त्यामुळे त्यांनाही एक वेगळ्या प्रकारचा आनंददायक अनुभव घेता येईल. या स्पर्धेेला मिटकॉन इन्स्टिट्युट ऑफ मॅनेजमेंट, बाणेर येथून प्रारंभ होणार असून विद्यापीठ चौकाच्या दिशेने पुन्हा फिरून मिटकॉन इन्स्टिट्युट ऑफ मॅनेजमेंट, बाणेर येथे स्पर्धेचा समारोप होईल.

एनआयओ व्हिजन मॅरेथॉन  स्पर्धेत पुण्यातील तसेच, हिंजवडी भागांतील सर्व आयटी कंपन्यांतील स्पर्धक सहभागी होत आहेत.  यामध्ये या कंपन्यांतील सगळ्यांना आपापले कंपनीचे व्यवस्थापन किती चांगल्या पध्दतीने कार्य करते याचे प्रदर्शन करण्याची संधी त्यांना मिळणार आहे. या स्पर्धेच्या निमित्ताने नॅशनल इन्स्टिट्युट ऑफ ऑपथेलमॉजी(एनआयओ)ला देणगी देण्याचे आवाहन  डॉ. केळकर यांनी  केले.
20 Jul 2017

प्रथमच आशियाई देशाला सांघिक आणि वैयक्तिक गटात पदक
एमपीसी न्यूज - स्कूल स्पोर्टस फेडरेशन ऑफ इंडियाच्या (एसएसएफआय) संघातील जलतरणपटू सिद्धान्त खोपडे याने 69 व्या फिसेक गेम्समध्ये तीन रौप्यपदक मिळवले. भारताच्या फुटबॉल संघाने देखील स्पर्धेत ब्राँझपदक मिळवले. इटालियन कॅथलिक स्कूल स्पोर्टस फेडरेशनच्या वतीने या स्पर्धेचे आयोजन करण्यात आले होते.

इटालियन ऑलिम्पिक असोसिएशनच्या सहकार्याने आणि इंटरनॅशनल स्पोर्टस फेडरेशन फॉर कॅथलिक स्कूलच्या (एफआयएसइएस) मान्यतेने ही स्पर्धा होते. व्हेनिसमधील लिग्नानो येथे 2 जुलै ते 8 जुलै दरम्यान ही स्पर्धा झाली. या स्पर्धेत 40 सदस्यांचे पथक सहभागी झाले होते. यात भारतीय खेळाडूंचा व्हॉलीबॉल (मुली), फुटबॉल (मुले), जलतरण (मुले) या खेळात सहभाग होता.

जलतरणपटू सिद्धान्त खोपडे याने 200 मीटर (2 मिनीट 24.10 से.), 100 मीटर (1 मिनीट 5.21 से.)आणि 50 मीटर (31.76 से.) बॅकस्ट्रोकमध्ये रौप्यपदक मिळवले. फुटसाल संघानेही चमकदार कामगिरी करून ब्राँझपदक मिळवले. एफआयएसइसीच्या इतिहासात प्रथमच आशियाई देशाने या स्पर्धेत सांघिक आणि वैयक्तिक गटात पदक मिळवले. व्हॉलीबॉलमध्ये मुलींच्या संघानेही चमकदार कामगिरी केली. यात एसएसएफआय भारतीय व्हॉलीबॉल संघाने पोतुर्गाल आणि स्पेनच्या संघाला पराभूत केले. यानंतर फ्लँडरर्स आणि यजमान इटलीकडून भारतीय मुलींना पराभव पत्करावा लागला. त्यामुळे भारताला चौथ्या स्थानावर समाधान मानावे लागले.

69 व्या फिसेक गेम्समधील चमकदार कामगिरीबाबत एसएसएफआयचे सरचिटणीस विठ्ठल शिरगावकर यांनी खेळाडूंचे अभिनंदन केले. भारतातील खेळामधील प्रगतीसाठी हातभार लावण्याचा हा आमचा छोटासा प्रयत्न आहे. आमचे मुख्य ध्येय हे ऑलिम्पिकमध्ये पदक मिळवण्याचे आहे, असे शिरगावकर म्हणाले.

20 Jul 2017

एमपीसी न्यूज - पीसीएमसीज् व्हेराक वेंगसरकर क्रिकेट अकॅडमीचा खेळाडू अमन मुल्ला याने इंग्लड येथे क्रिकेटमध्ये चमकदार कामगिरी केली. आठ सामन्यात सलग तीन अर्धशतके ठोकली. गोलंदाजीमध्ये 24 गडी बाद केले. तसेच सलग तीन सामन्यात मॅन ऑफ दि मॅच मिळाले.

अमन याच्या चमकदार कामगिरीनिमित्त पिंपरी महापालिकेचे आयुक्त श्रावण हर्डीकर यांच्या हस्ते त्याचा सत्कार करण्यात आला. यावेळी सहायक आयुक्त डॉ. महेशकुमार डोईफोडे, योगेश कडुसकर, प्रशिक्षक राजू कोतवाल, क्रीडा अधिकारी रज्जाक पानसरे आदी उपस्थित होते.

अमन मुल्ला याला इंग्लंड येथील मॅचेस्टार येथे क्रिकेट सामने व प्रशिक्षणाकरिता पाठविण्यात आले होते. अमन याने 8 सामन्यात फंलदाजीमध्ये सलग तीन अर्धशतके ठोकली. तर, गोलंदाजीमध्ये 24 गडी बाद केले. या स्पर्धेत अमन याला सलग तीन मॅन ऑफ दि मॅच मिळाले. तसेच उत्कृष्ट कामगिरी केल्याबद्दल मॅन ऑफ दि सिरीजचा बहुमान मिळाला. त्याचबरोबर इंग्लंड संघाचा कर्णधार ज्यो रुट यांची कॅट व टाय देऊन अमन याला सन्मानित करण्यात आले. अमन मुल्ला याला नॉर्थ इंग्लंडचे प्रशिक्षक जॉन व्हील यांनी प्रशिक्षण दिले. स्टीव्ह विल्यम्स डॉ. समीर पाठक यांनी सहकार्य केले.

अमन मुल्ला हा काळेवाडी येथील बेबीज इंग्लिश मीडियम स्कूलचा खेळाडू असून त्याने 2015 मध्ये 14 वर्षाखालील गटात महाराष्ट्र संघाचे प्रतिनिधित्व केले आहे. तसेच सन 2016 मध्ये त्याने मुंबई येथे झालेल्या शालेय राष्ट्रीय स्पर्धेत महाराष्ट्राचे प्रतिनिधित्व केले आहे.  सन 2007 पासून अमन पिंपरी-चिंचवड महापालिकेच्या अण्णासाहेब मगर स्टेडियम येथे राजू कोतवाल यांच्याकडून मार्गदर्शन घेत आहे. 

19 Jul 2017


20 जुलैपासून स्पर्धेला होणार सुरुवात

एमपीसी न्यूज - आपल्या आवडी जोपासण्यासाठी कामातून उसंत न मिळणा-या व्यावसायिक व नोकरदारांना मैदानात आणून त्यांच्या आवडी जोपासण्याचे स्वातंत्र्य बहाल करणे आणि इंटरनेटवेड्या मुलांना आभासी विश्वातून ख-या खु-या जगात वावरायला शिकवणे व शारीरिक तंदुरुस्तीचे महत्व पटवून देण्याच्या उद्देशाने पिंपरी-चिंचवड येथील स्पोर्ट रिपब्लिक या कंपनीतर्फे खुल्या टेबल टेनिसलीगचे आयोजन करण्यात आले आहे. 20 जुलैपासून सुरू होणा-या टेबल टेनिस लीग प्राधिकरण येथील ज्ञानप्रबोधिनी शाळेच्या मनोहर सभागृहात होणार आहेत. नोंदणीसाठी शहरातील व्यावसायिक व नोकरदारांनी चांगलीच गर्दी केली आहे.

स्पर्धेचे उद्घाटन आकुर्डी येथील पी.सी.सी.ओ.ई. महाविद्यालयाचे शारीरिक शिक्षण आणि खेळाचे संचालक संतोष पाचारणे, इंदिरा कॉलेज ऑफ कॉमर्सचे शारीरिक शिक्षण आणि खेळाचे संचालक किशोर पठारे यांच्या हस्ते होणार असून उद्घाटनानंतर लगेच स्पर्धेतील सामन्यांना सुरुवात होणार आहे. टेबल टेनिस खेळातील जाणकारांसाठी (एक्सपर्ट्स) वेगळे आणि खेळाची आवड (बिनिगर्स) असणा-यांसाठी वेगळे सामने खेळवले जाणार आहेत. पुरुष एकेरी आणि दुहेरी, महिला एकेरी, विद्यार्थी एकेरी आणि दुहेरी, टेनिस खेळातील दिग्गजांचा एकेरी आणि दुहेरी, स्टार्ट अप एकेरी आणि दुहेरी, असे सामने खेळले जाणार आहेत. एकूण नऊ विभागात हे सामने खेळले जाणार आहेत.

डॉक्टर, इंजिनिअर, आर्किटेक्ट्स, आयटी क्षेत्रातील तसेच खासगी व्यावसायिक तसेच इतर नोकरदारांना दिग्गजांच्या प्रकारात आपले नाव भरले आहे. म्हणजेच टेबल टेनिस खेळण्याची आवड असून भाकरीची सोय म्हणून इतर क्षेत्र निवडलेली मंडळी या निमित्ताने एकत्र येणार आहे. या स्पर्धा 15 ऑगस्टपर्यंत चालणार आहेत. सोमवार ते शुक्रवार रात्री 7 ते 9 या वेळेत तर शनिवार आणि रविवारी सकाळी 9 ते 5 या वेळेत मॅच होणार आहेत.

आजकाल आपल्या कामातील तणाव बाजूला करण्याचे माध्यम म्हणून सोशल मीडियाचा वापर करतात. परंतु सोशल मीडिया देखील एक प्रकारे आपल्याला कामालाच लावत असल्याचे चित्र दिसते आहे. त्यामुळे मैदानात येऊन मैदानी खेळ खेळल्याशिवाय ख-या अर्थाने तणाव दूर होणार नाही. खेळाकडे केवळ जिंकणे या एकाच संकुचित दृष्टीने पहिले जाते. तसे न करता खेळाच्या माध्यमातून आपले आरोग्य तंदुरुस्त राहते. नवीन मित्र तयार होतात. यांसारखे फायदे खेळामध्ये पाहायला शिकले पाहिजे, असे मत स्पोर्ट्स रिपब्लिक कंपनीचे संचालक विवेक केळकर यांनी व्यक्त केले.

शाळा महाविद्यालयात असताना खेळाची आवड असते पण रोजी-रोटी कमविण्यासाठी आपल्या आवडी बाजूला ठेवून नोकरी करावी लागते. तर आजची तरुण पिढी मोबाईल, कॉम्प्युटर, लॅपटॉप, व्हाट्स अप, फेसबुक यामध्ये गुरफटून गेली आहे. याचे तोटेदेखील अनुभवास येत आहे. पालकांसमोरील हा गंभीर प्रश्न असून या स्पर्धांच्या माध्यमातून इंटरनेटवेड्या तरुणाईला मैदानात आणण्याचा महत्वाचा उद्देश असणार आहे. लीगमध्ये नियमित खेळल्याने नवीन मित्र बनवून आपले खरेखुरे सोशल नेटवर्क बनवता येते तसेच आपले ताणतणाव खात्रीलायकपणे कमी होतात. उत्साह वाढतो आणि मुलांसमोर चांगला आदर्श निर्माण होणार आहे.

टेबल टेनिस लीगमध्ये सहभागी होण्यासाठी http://sportrepublik.com/product-category/tournament/ या संकेतस्थळावर नोंदणी करता येईल. अधिक माहितीसाठी 8788419526 क्रमांकावर संपर्क साधता येणार आहे.

Page 1 of 21
Open Chat
1
Close chat
Hello! Thanks for visiting us. Please press Start button to chat with our support :)

Start